應該唔駛點講，冇人會唔識，最有規模既當然係柴灣車廠啦，就算到今時今日新、城兩巴都係以柴灣作為「基地」，不過係新廠房
而舊中巴車廠呢？最初幾年都仲係新、城重地，只留低天台仲係中巴所有，之後新、城搬遷
冇記錯有段時間係做過蒸餾水車廠，而家就係BIGBUS既「天下」，不過整間廠其實都近乎人去樓空
相信距離發展地產項目既日子都不遠矣
講咁耐其實想講咩野呢？唔係我又有「新廠」登場（其實諗過架
![[sosad]](https://hkbf.org/images/smilies/icon_sosad.gif "So Sad"){kind=icon}
），而係「實地考察」 先黎中巴柴灣車廠．昔日呢個總站係「中巴盛世」，打完仗既車泊到成個站都係，而八大禽獸似乎都係呢個站既常客
自從有左藍灣半島之後，附近兩個「大站」風光不在，得返一架中巴起到出現
正門可以冇遮掩咁影
中巴ＣＸ，我諗將來都冇咩機會再影啦
車廠，仲係用緊「中華汽車有限公司」名義
戴定個頭盔先，以下係攝影角度，我並冇入到車廠，人亦都起行人路之上
（竟然做返幾年前既蠢事，呢Ｄ叫本性難移？）ＬＶ１６６，出廠
落斜路，衝住出黎
打完仗，返廠過機洗車先
影完幾張相，行返遠少少偷望一下
緊係偷望架國寶啦
冇位同埋冇時間，唔係整返座柴廠都唔錯，即使係虛構，即使係某一個位置．．．都好
柴灣道上的勝利
當年一句「黃圈中央這面旗．過往插遍這土地」，簡單的一句，已經解釋到中巴起香港既悠久歷史
「這面旗」由專營權結束過後就已經變得寥寥無幾。
十幾年光蔭過去，今年連最後既非專路線都「失守」，正當以為「這面旗」會永遠消失之際，竟然起街角上重新出現
今次就唔係車身上面，而係地盤圍板，結果因為一個logo，激發起今次既傻事
黃竹坑廠，論規模一定比柴廠細得多，但建築上卻係香港眾車廠入面最有特色的（我覺得啦）
由色彩配搭，以致線條，都十分容易令人聯想到係一間中巴車廠，不過黃竹坑廠比我既感覺其實係最陌生的
以前都講過啦，小時候的我只有探親／拜年／拜山先會過黎香港島，而我既親戚住處由西環到柴灣都有．．．
再深入就唔講啦，但當時就只係得香港南區起中巴時期係冇踏足過
雖然自己唔係港島人，但對中巴既感覺反而最深，大概係因為難得一見，所以令人更加留意吧！
中巴旗＠黃竹坑車廠外
以設計黎講，有返咁上下複雜，中間既ＣＭＢ抽象得黎亦清楚易明
當年起車身上，旗仔更會順住車身方向（風向）而有左右唔同既設計，都算係誠意之作黎架
工地上最大既一個logo，除左地產商標誌之外就係中巴標誌
黃竹坑車廠
呢到人夠少，影野唔會比人眼望望
我認我怕醜 
回個頭一望，當然唔會放過同中巴logo合照既機會啦
由於冇上到螺絲就拎出黎，結果都係連盒影啦
上鴨橋可以有更好既位置影晒成間廠，不過呢到都唔錯
返廠喇
一返，就返左黎呢間冒牌既虛構車廠了
其實就算我淨係買中巴同舊車巴模都好，屋企都已經係爆晒廠，睇黎真係要構思一下整返個新廠，可以一排排咁擺晒所有車
不過應該都唔易了
後記：
最初構思呢一篇呃post文既原因，源於黃竹坑廠外既新地盤，地盤起ｄ乜唔係重點，重點係地盤既圍板．．．
６月尾，中巴真正最後一條路線都取消，一直黯然殘存既中巴先再一次得到大家既重視，的而且確最尾５日，日日都人頭湧湧
亦因為咁，就挑起左我一直都仲有既中巴癮啦！
過後幾日，起誤打誤撞既情況底下，某FACEBOOK專頁分享左一幅相，一個買少見少既logo突然出現，當然係講緊中巴logo啦
再加上作為泊車既柴灣車廠，會唔會拆？幾時拆？實在係未知之數。
再諗多諗，原來我從未影過兩大前中巴車廠，種種原因，結果就出現左呢篇冇「營養」既文章啦！
而點解會拎ＬＶ１６６出黎影，其實我冇深究過，只係求其拎一架方便拆盒拎出黎既模型而已！
ＴＨＸ ＦＯＲ ＲＥＡＤＩＮＧ ．
![[photo]](https://hkbf.org/images/smilies/Photo.gif "傾偈無圖無偈傾")
