但係遲遲未有入手, 直到上個禮拜 Comic-Con,
終於的起心肝入左佢, 講真鍾意得初音ミク,
個人亦覺得呢個千本櫻初音ミク嘅造型都好 "卡哇兒" 嘅,
仲有埋單車一架, 雖然兩個轆都唔郁得, 亦不失為值得一入嘅玩意~
講番今年 Comic-Con, 依家每年嘅入場 Pass 越嚟越難撲已經係人所共知,
今年在下原本亦只係撲到星期日, 冇錯, 係得星期日呢一日咁大把,
呢個原本一連四日嘅 Comic-Con, 正當諗住只係去三日之際
(原定計劃星期五、六喺岀面行, 星期日喺場內走),
好彩一位喺 Comic-Con 入面做幫手嘅朋友相助之下,
我拎到星期五同六嘅 Pass, 等我可以喺呢兩日都可以入去四圍走,
始終咁大個 Convention 真係冇可能一日之內就行得哂,
喺呢度真係要多謝佢, 我欠佢嘅人情實在太大啦,
因為如果冇佢幫手, 星期五、六呢兩日真係只有食閉門羹嘅份兒啦,
本來希望請佢食番餐飯嘅, 結果喺佢提出之後,
我幫佢喺會場買左幾本書, 漫畫同幾個銀包作為答謝,
仲話出年 Comic-Con 可以再幫手撲飛咁話~
Anyway, Comic-Con 過左一個禮拜, 係時候開盒玩下佢啦~~
今年 Comic-Con 就係入左佢咁大把, 始終屋企真係太多野啦,
而且稍後仲有幾款模型將會推出, 點都係忍一忍手好啲~~
Thanks for reading~
