我諗大家應該都仲記得，上個月我有一篇叫做末代中巴．兩大車廠既無聊呃post文
呃一次post對於我呢個灌水怪黎講緊係唔足夠，所以而家再呃多一篇，反正板主都一定會對我手下留情 （當然係講笑）

---

先黎再睇睇黃竹坑車廠而家既樣先啦～！


嗯！相信大家都望過下啦
跟住就再帶大家睇下我既黃竹坑車廠啦


又有斜路，又有洗車機，好明顯呢間野係黃廠同埋柴廠既混血兒
再睇下側邊個巴士站啦，行人天橋其實真係麻麻地



好喇，相大家就睇完啦，有咩感想呢？歡迎發表．．．．．
．
．
．
可能你地心入面都講晒粗口：
Ａ君：你間垃圾廠睇左十年有多啦，有冇新意架
Ｂ兄：果然係一篇呃POST文，水己浸，已投訴
Ｃ生：有冇再整得假Ｄ，劣評都廢事俾呀．．．．．．．．

嗱，預左你地想整死我架，如果你睇到呢到都忍到個拳頭唔硬既話，恭喜你，為左獎勵你冇禁到上一頁，咁你繼續睇落去啦

首先係有一道閘

開閘（著燈係後期電腦效果）

ＬＶ１６６，出廠

係咪覺得有Ｄ咩野唔同左咁呢？

好喇唔賣瓜子喇

---

～中巴黃竹坑車廠～　第２代

今次最主要係要整個車廠既大樓，當日既「末代中巴．兩大車廠」一文就係為佢做準備

香葉道的街角上


本廠既新成員，因為整呢間野，所以都冇第一時間分享

另一位新成員，冇機會起到出現既白水箱

錢箱車，當年都真係唔少車會擺起呢個行人路上面（原來仲有行家一齊影架錢箱車喎 ）

雞車出廠




我都知，今次個主角係間廠，係咁影車冇意思的，所以廠相我都有影架


行人通道出入口

冇車阻，可以清清楚楚望晒成間廠了


舊廠已拆及棄置，取而代之當然係新廠啦，由此亦可見我間廠係幾咁爆


最後．．．．燈燈燈鄧


已知既問題有：
牆身「中華汽車有限公司　CHINA MOTOR BUS CO.LTD」冇整到，相信我冇咁既技術可以整到出黎
街名，路牌．．．我又算了，原因同上
大樓高度，為左就返個本身都唔夠高既櫃，主樓高度都係矮左Ｄ
最大問題，依然色錯 不過冇計，佢隻藍色我真係搵唔到最近似既出黎．．．
當然，仍然係唔合比例的

今次最大問題同整得最耐係所有半開既窗，幾乎佔左成座大樓１／３既時間都係起到畫窗，CUT窗，裝窗
而且開多過一隻果Ｄ窗，每一隻都失敗過一兩次先CUT到個好少少既

另一個難題係，可能你地都睇到有條「分界線」啦，姐係果條隙，冇錯，主樓同車廠係分開兩部份製作
再將大家擺埋一齊，難就難在要兩邊奶白色部份係可以接得埋，好彩出黎效果都唔係爭太遠

以上

超劣作，請洗眼
ＴＨＸ　ＦＯＲ　ＲＥＡＤＩＮＧ ．

小弟決定
回文讚好!
(又有人插死小弟「偏愛中巴」...
不過,事實係愛又好,恨又好
一早就消化好情緒反應先交代...所以先好似「攤凍」0左0者...)
不過,另一個原因係:樓主真係「玩真」0既保存0左車廠0既外觀之餘
又可以當成巴士模型櫃、情景模型...一物三用!

抵俾一篇回文0既內容讚好...

PS 小弟都想要一間「Q版」中巴柴廠模型
陪小弟批寶寶、雞車、大都城...等等(下刪幾十句...)

正喎
你拎咗份圖則嚟整？

巴士狂徒 on 2015年7月28日 23:42:37: 正喎
你拎咗份圖則嚟整？

我未有專業到咁
所以我講成座野依然係不合比例的, 純粹只係參考真果座d窗同車廠外牆位置相距, 再互相就返個平均間隔, 出到黎感覺會順眼就算
(我都唔知自己講乜添 )

另外對上好多年前既唐樓, 對上果間舊廠都係用模型油手油, 今次係第一次試用噴罐整情景, 估唔到平滑既外牆係咁好睇
因為自己一直都覺得建築物外牆太平滑會好假, 睇黎我既觀念一直都錯左咁多年

至於點解要拆走間舊廠呢, 唔係唔想益人, 只係新廠都有D 資源係來自舊廠, 所以唔拆唔得, 拆完淨返果D, 唔掉左佢擺起到都已經冇用了...

LingnanChickenRice on 2015年7月28日 19:49:50: 小弟決定
回文讚好!
(又有人插死小弟「偏愛中巴」...
不過,事實係愛又好,恨又好
一早就消化好情緒反應先交代...所以先好似「攤凍」0左0者...)
不過,另一個原因係:樓主真係「玩真」0既保存0左車廠0既外觀之餘
又可以當成巴士模型櫃、情景模型...一物三用!

抵俾一篇回文0既內容讚好...

PS 小弟都想要一間「Q版」中巴柴廠模型
陪小弟批寶寶、雞車、大都城...等等(下刪幾十句...)

多謝讚好
其實自己鐘意d乜又唔駛理人點睇既, 中巴「冇」左咁多年, 熱情冷卻都係好正常既事

本身構思整新廠原因都係為左可以增加擺車量, 因為就算我而家只儲中巴同舊車都好, 我堆車都多到要擺盒
而家整完新廠, 擺盒果兩三架都終於放得返出黎, 仲要新廠有位淨, 之後再出都冇所謂啦

好正，礦工兄果然寶刀未老

請教一下係用咩物料可以承咁重？用咩界可以連圓角位都咁靚咁順呢？謝謝！

93A_S3~* on 2015年7月29日 18:09:41: 好正，礦工兄果然寶刀未老

請教一下係用咩物料可以承咁重？用咩界可以連圓角位都咁靚咁順呢？謝謝！

擺車位置用亞加力厚膠板, 今次盡量以一層一塊過, 唔似舊廠咁一層分兩塊, 但試擺車果陣仍然發覺膠板會向下彎曲
所以細心d 睇既話你會見間廠除左左右有「腳」支撐外, 前後一樣都有, 亦因為咁所以唔夠腳用, 只好拆舊廠d 腳出黎補返
而前面隻腳就收左起車廠外牆中間條支撐柱後, 油埋灰色就更加唔顯眼

所以我咁多張相都冇影到背面, 因為後面其實真係好核突的, 不過反正都冇人睇到就冇所謂啦

圓位呢, 本身劃線果陣係出盡「法寶」, 又用過電芯又用過放大鏡等等先畫得到咁圓, 至於界出黎, 其實只係普通界刀
不過就要保持住刀口鋒利, 頓少少都會撕開張紙.......

冇錯, 今次又係用厚卡紙整架
根據十幾年前整落既唐樓經驗, 座唐樓用紙整都經歷左十幾年寒暑, 潮濕天氣, 但依然冇任何霉爛變軟先兆
所以呢種容易塑造既物料到而家都用緊!