令在下最終忍唔住手, 入埋呢架由 M2 Machines 出品嘅 1/24,
福士 T2 Microbus 美國型號, 查實在下以前對呢款福士 Van 仔真係冇乜興趣,
依家反而幾鍾意呢款車, 覺得佢個樣幾得意同變化多端。
福士 T2 Microbus 之所以得名 "禧皮士之車",
講穿左就係呢款車喺六十年代嘅西方反傳統文化運動, 或者嬉皮士運動中頗受歡迎,
因而有 "Hippie van" 嘅暱稱, 呢架由 M2 Machines 出嘅福士 Van 仔,
雖然都有一啲美中不足嘅地方, 特別係右邊車身嘅兩扇客車門係冇得打開嘅,
呢點個人就覺得有少少失分, 不過以 32 蚊美金都唔洗嘅價錢,
就已經有一架咁正嘅福士 Van 仔玩, 個人覺得其實都算抵玩啦,
相比起另一間廠 Franklin Mint 用同樣比例製作嘅福士 Van 仔,
所有車門都開得, 但係一見到個價錢, 真係當堂眼都突!
真係只有一句: "卅二蚊美金都唔洗就已經有一架咁正嘅福士 Van 仔玩,
你仲想要求乜野呢!?"
到底美國型號同歐洲型號有乜分別呢?
同 1/24 倫敦 DMS 巴士相會
同兩架幾日前到手嘅 Tomica 福士 Van 仔合照,
話時話我都已經冇入 Tomica 好耐,
如果唔係因為呢兩架福士 Van 仔亦唔會令我破戒再入 tomica,
更因為呢兩架福士 Van 仔先至令我會入呢架 1/24
Thanks for reading~
