郊區的巴士班次疏落，在西貢郊區及大嶼山搭巴士，定點班次預時間搭車已經是幾十年來的常識，當中行走西貢郊區的94及99這一對孖寶，更是早年新界除大嶼山外僅有的定點班次路線，巴士渡輪互相配合，當地遊人早已習慣，而94及99線於2004年以前更共用同一組更表，兩者班次互相配合，時間容易預算。

前往黃石碼頭唯一的交通選擇是94號巴士，而我通常都是希望平日09:00到達黃石碼頭，理所當然是乘搭08:30從西貢開出的94號巴士。但自從99號巴士從泥涌延長至烏溪沙站後，兩者車務分拆，不再好像當年一樣，兩條路線的時間互相遷就。我自從2010年起，當時我住屯門西北，一直都習慣了先乘輕鐵到兆康，搭地鐵到烏溪沙，再乘搭08:20從烏溪沙站開出的99號巴士，再轉乘08:30從西貢開出的94號巴士（更快的方法是使用兩程小巴，經上水及大學站，但因車費過度昂貴以及小巴極度不可靠，我很少使用）。當時99號08:20班次主要用車為ATS，如無記錯的話是299柯打車，通常08:33至08:34就會開到麥邊，而94號巴士幾乎無一例外地，會於08:37到達麥邊，我就上車前往黃石碼頭。

但是不知道為什麼，近年西沙路的交通越來越頻繁，99號巴士的停站次數越來越多，08:20從烏溪沙站開出到麥邊往往已經是08:35，如果用虧車，即ASV的話更往往到08:36才到麥邊，此時對面線的94號巴士已經差不多到站。

事隔一輪，99再度延長，由烏溪沙站延長到恆安，由總站開出新增車程約10分鐘。08:10從恆安開出的班次通常於08:20通過烏溪沙站，時間和以往相若。但是因為路線延長了，更加入ASV掛牌車行走，只要巴士稍遲進入烏溪沙站，再加上沿途多幾個客上落，之後轉乘94就已經要追車。

我現在住旺角道附近，昨天及今天又需要前往黃石碼頭，經過多重計算之後，如用08:10從恆安開出的99巴士轉乘08:30從西貢開出的94巴士，能於最短時間內使用大眾運輸從家到達黃石碼頭，時間與乘搭地鐵去彩虹轉乘小巴去西貢再轉94巴士相若，而價錢亦合理。但是正如小巴經常大排長龍而不可靠一樣，這個方法亦要西沙路沿線上落正常，不會「站站停」才能成功（影響郊區巴士車程時間的最大因素是停站次數）。一旦99號巴士「站站停」，就隨時趕不及08:37到達麥邊。我昨天使用了此方法，結果99號巴士08:22才到，使用ASV行走，之後車程尚算正常，後段飛了幾個站，結果08:37到達麥邊，而我落車時對面線的94巴士已經到達並正在上客，我於是即時過馬路上巴士，該班車很多人乘搭，我最後企在黃線附近做「閘長」，順利準時到達黃石碼頭。

但是我始終擔心這個方法的可靠性，又經過計算如乘搭08:00從沙田市中心開出的299X，會比08:10從恆安開的99快到達麥邊，快3分鐘左右，08:33至08:34就到麥邊，還有時間走盞。於是我今日搭多了一個站東鐵綫，到沙田落車轉車，今日299X線08:00班次用車為AV。我上了車後，08:20到馬鞍山繞道頂，落樟木頭時就見到99在後，到泥涌已經差不多追上了。之後兩者一齊08:35到達麥邊，我本來以為已經有充足時間過對面轉乘94，但是就在我落車時，竟然又見到94號巴士在對面出現，當時只是08:35！不過今日是見到巴士入站，昨天見到是正在上客。我於是打算重複昨天的動作，直接跑過馬路轉車，緊接隊尾登車前往黃石碼頭。但該巴士居然沒有好像昨天一樣停站上客，而是直接飛站！08:35已經飛過了麥邊（當時我乘搭的299X及緊接其後的99一同在南行線落客，而同時間在北行線的94直接飛站），比我多年來的乘車時間早了2分鐘。一旦錯過了該班94號巴士，基本上已經是無法追回的，結果就遲了半小時才到黃石碼頭。據乘搭該班車的團友，今日08:30班94極少人乘搭（多年來94號客量都是相當飄忽，平日不同日子同一時間班車可以頂閘，亦可以坐不滿窗口位），而麥邊亦離奇地沒有人上車（通常麥邊都會有幾個人上車，就是來自西沙路的轉乘客）。

這一個已經多年行之有效的轉乘方法，08:20烏溪沙站開99轉08:30西貢開94，今日居然失敗了，連搭早一班車（即299X）都不行，全都是因為94號巴士離奇地快了2分鐘到達麥邊。所謂的定點班次方便了乘客「預時間」搭車，但完全無法幫助轉乘客「預時間」轉車，因為只要上一程車多幾個客上落，所謂的「提早3分鐘到車站候車」都只是空說。以後我真的不知道應該搭甚麼巴士轉車，兩條線都是疏車線，20分鐘才一班車，還要一來就兩部一齊來，之前要足20分鐘才有上一班車，小巴又不可靠。

請問當我需要在獨市疏車線之間互相轉乘的時候，應該怎樣安排時間才能順利轉到目標班次，而不需要在車站足足乾等一班車的時間？

坐的士

無辦法架喎
車程會因路面狀況及其他因素影響

就好似我星期五搭914，單係由西隧站去渡船街都用左半個鐘
平時搭同一班車，欽州街都過左啦
你話我知應該點預時間？

樓主過左成幾年都仲係度玩緊Just-in-time approach呀?
問題根源係唔會隨時間同路線重組而改變或者消失囉...

我曾經試過搭99入西貢係西沙撞正前面貨車冒煙阻咗幾個字添
睇嚟連的士都未必啱樓主, 直升機適合啲...

準巨留意翻 你所講嘅只係定點班次

當0740要上到旺角東時
我上架小巴無樓主咁好氣

teddybus on 2015年12月25日 00:14:14: 樓主過左成幾年都仲係度玩緊Just-in-time approach呀?
問題根源係唔會隨時間同路線重組而改變或者消失囉...

我曾經試過搭99入西貢係西沙撞正前面貨車冒煙阻咗幾個字添
睇嚟連的士都未必啱樓主, 直升機適合啲...

因為94及99的時間表基本上是Just-in-time的，對頭車很可能會在麥邊至大環之間相遇，變相使用此等方法轉車就是Just-in-time approach。

基本上
很可能

你都講唔到一定上到車啦

比我住旺角就晨早搭紅小入左西貢轉94

至於所謂定點班次其實就唔係為左比你準時響中途站轉車用既，而係比人預時間等車
而每班車總會因客量同交通情況而令行車時間有別
例如我知道班車50分開，我50分開始等就實上得到，除非脫班

所以想每次都搭到同一班車既解決方案其實好簡單，你搭早一班車喇

小可愛智智 on 2015年12月25日 11:29:53:

teddybus on 2015年12月25日 00:14:14: 樓主過左成幾年都仲係度玩緊Just-in-time approach呀?
問題根源係唔會隨時間同路線重組而改變或者消失囉...

我曾經試過搭99入西貢係西沙撞正前面貨車冒煙阻咗幾個字添
睇嚟連的士都未必啱樓主, 直升機適合啲...

因為94及99的時間表基本上是Just-in-time的，對頭車很可能會在麥邊至大環之間相遇，變相使用此等方法轉車就是Just-in-time approach。

官方幾時宣佈係94同99玩just-in-time, 仲要對頭方向係中途站玩架?
當年N121同N122都只係同方向搞等對方車, 但人地而家都唔搞呢樣野囉.....

teddybus on 2015年12月25日 20:13:48:

小可愛智智 on 2015年12月25日 11:29:53:

teddybus on 2015年12月25日 00:14:14: 樓主過左成幾年都仲係度玩緊Just-in-time approach呀?
問題根源係唔會隨時間同路線重組而改變或者消失囉...

我曾經試過搭99入西貢係西沙撞正前面貨車冒煙阻咗幾個字添
睇嚟連的士都未必啱樓主, 直升機適合啲...

因為94及99的時間表基本上是Just-in-time的，對頭車很可能會在麥邊至大環之間相遇，變相使用此等方法轉車就是Just-in-time approach。

官方幾時宣佈係94同99玩just-in-time, 仲要對頭方向係中途站玩架?
當年N121同N122都只係同方向搞等對方車, 但人地而家都唔搞呢樣野囉.....

喺2004年之前94同99官方的確係玩just in time（99返到西貢總站之後就搞牌開94，反之亦然，轉車一定唔會走車，因為一定上返原車），不過係西貢總站玩，只係而家無咗呢個措施。

小可愛智智 on 2015年12月25日 21:36:27: 喺2004年之前94同99官方的確係玩just in time（99返到西貢總站之後就搞牌開94，反之亦然，轉車一定唔會走車，因為一定上返原車），不過係西貢總站玩，只係而家無咗呢個措施。

睇返資料

行駛99線用車由泥涌返回西貢時，車長會把巴士駛入94線停車坑，然後改走94線並於每小時00分開出；而94線的車輛於黃石碼頭每小時開35分班次返回西貢時會改走99線，於每小時15分開出。若遇交通嚴重擠塞影響99線原有班次開出，西貢總站站長會視乎情況於92線或後期出現的299線抽調車輛行走99線，以維持原有班次；在99線未改為全空調服務時，曾因而出現空調巴士行走該路線，但只收取非空調巴士車費。

當年行99嘅巴士到左西貢, 係就係會改行94, 但無提過一定即開喎, 何來just-in-time?
仲有, 如果99返唔切西貢開94, 係會拉其他線嘅車行個班94,
變相就算樓主係個班99上面, 咪一樣係走左目標個班94....