見99台即將播這部動畫,
就抽調介紹這首吧~!

Kirei ni Naritai(想變得美麗)
這首是動畫"極上!!超人氣委員長"的第一首片尾曲來的,
故事講述怎樣變得美麗,於各集教授一些打扮,配襯和姿勢等技巧,
讓大家成為為人觸目的美少女。
我是從何得知這部動畫的呢?是當時在一個學界論壇見到的,
可惜那個論壇只是曇花一現,只存在了兩年多就執笠了......
這動畫是當年首次把主角和主要角色以全立體製作的動畫,
可謂是現代動畫採用立體畫面的先河~
至於這首歌,聽起來很有情調,
又是一聽入心,繞樑三日,
我亦是為了這首歌而曾追看這動畫,
直至後來轉了片尾曲就沒再看了......
一起來細聽這首滿有意境的歌吧~



"極上!!超人氣委員長"將於4月開台的ViuTV(99台),
以"戀愛班長"的名稱逢星期一至三下午5.30播出(暫定),
有興趣的請準備VHS或USB-HDD,不要錯過啦~!
(如果今次有粵配的話我應該會睇晒佢......)

又上水廢噏吓

話說上年秋番同冬番都無乜邊套有興趣追, 變相有時間補番,
啱啱就睇完咗套都幾著名既治癒系作品 - 《ARIA》, 相信大家都唔會對依套陌生,
雖然已經係10年前既產品, 畫風都唔失禮, 係第二季比較長, 變相有幾集係無乜內容,
但對於治癒系作品, 依方面唔係大問題既, 始終無偏離主線就可以.
除咗故事內容感動外, 音樂都係我留意既地方, 因為有佢 - 牧野由依
結果睇晒3季電視版都無飛過OP, 因為電視版所有OP都係由依主唱, 實在太正

但最正嗰隻唔係OP, 係第三季既插曲 - 橫顏
未睇之前都已經好鍾意依隻, 到睇動畫最尾2集起歌嗰時都係感動位, 加埋由依把聲, 真係不得之了


當然, 唔係動畫版一樣正, 因為有自彈自唱版


唔係由依唱既, 一樣有推介, 係第二季既ED1 - 夏待ち
曲調輕快, 帶啲陽光氣息, 都幾配合成套治癒系既性質


[推坑時間]
時間真係啱啱好, 十週年既背景下, 《ARIA》有個十週年版, 睇完主線就可以等睇新版

16/3 第十一次推介

拖左成半個月先再推介

今次推介有少少唔同，
今日我地會特別聽吓一位歌手嘅歌。
呢位歌手為日本niconico網絡歌手，
更為稱為「萬能的歌手」。
呢位歌手就係在大陸多被叫作「柿姐」，
讀作"Kakichoco" (柿子巧克力) 嘅 柿チョコ!

柿チョコ為稱為「萬能的歌手」的最主要原因，
就是其歌聲在大部分曲風都非常配襯
搖滾、抒情、温柔、甜美型都得
以下為部分例子:

1) からくり 卍 ばーすと

搖滾曲風，節奏急快，
柿チョコ成熟嘅聲真係好襯

2) Cage

同樣節奏急快，但和風歌曲，
其急速嘅鼓聲配上較快嘅歌聲亦係好選擇

3) 花は桜木、人は君

和風歌曲，節奏較慢，
其時高時低嘅歌聲一樣好好聽

4) ネリの星空 (合唱曲 - : 貧血王子)

柿チョコ温柔抒情之代表作品
其較慢嘅節奏比人一種relax嘅感覺


如果有興趣知多少少關於柿チョコ，
可上某百科睇睇

今日星期三，一周嘅一半，各位加油啦
如果大家鍾意嘅，請系下面比個Like小弟啦

又忽然上水廢噏下

話說今個星期頭傳出, 著名既冨奸先生終於有意重操副業,
無錯, 就係HUNTER停咗1年有多後, 連載再開
當然, 作為HUNTER讀者, 都係希望佢可以突破10話既循環...(都係早啲瞓喇

講咁多野, 當然係推介HUNTER既歌, 但其實新版我無乜睇, 出個時睇咗第一集就棄番咗
係J2播到蟻篇先叫睇下, 始終, 同舊版既感覺差太遠...
HUNTER某程度上係我第一套認真追既動畫, 舊版HUNTER當年翡翠台有播過, 記得係星期六凌晨而小弟仲讀緊小學,
亦係首次接觸既「M 成年觀眾」節目, 所以點解要係凌晨播
睇嗰時小岡已經考緊試, 印象好深刻, 可惜播既時間實在太惡睇, 後來就無再跟,
但再打後有買到老翻睇 , 都係第一套真係買碟睇既動畫
或者大家會話, 新版既畫質會遠勝舊版, 但就係舊版個種少少粗糙既感覺先可以帶出個種陰森, 恐怖, 人物都刻畫得比較鮮明,
新版反而取代唔到, 所以新版出嗰時評價都好分歧, 好似小弟睇過舊版既, 大部分都會鍾情舊版

講咁多, 係咩歌呢? 就係舊版OP1, ED1, 當年係完全入晒腦
雖然係同一時間既OP ED, 但感覺係完全相反

OP1, 4個人一齊去考試, 對未來充滿希冀, 歌曲都係輕快, 充滿正能量既感覺


ED1, 那邊廂, 鯨魚島既美登阿姨, 一直等待小岡既消息, 歌曲就帶着淡淡憂心, 本身ED都採用冷色調, 加強憂傷感覺
可惜, 原唱者2005年已經離世

27/3 第十二次推介

復活節快樂！

周末，就梗係要聽吓啲比較輕鬆嘅音樂

1、2) 恋の歌 (Koi No Uta)
玉子市場故事嘅核心歌，
成個故事其中一個重要嘅劇情就係首歌
兩個version，兩種feel

a) by Dyanamite Beans

玉子市場第九集劇中曲，
由女主角爸爸 北白川豆太演唱
穏重嘅歌聲配上較快嘅節奏真係唔錯

b) by 北白川玉子

CV: 洲崎綾
成首歌推高少少，配上較輕嘅歌聲效果一樣唔錯
玉子市場中未有出現此版本，
但成為了劇場版玉子愛情故事嘅主題曲

3) 藤宮 香織 - 奏（かなで）

CV: 雨宮天
一週的朋友ED，
令兔兄淚腺崩壞既兇手
(Ref: p2721769.htm?style=16#p2721769 )
偏慢嘅節奏配上重少少嘅歌聲真係催淚

1+2+3) [MAD] 玉子愛情故事

玉子市場加上玉子愛情故事嘅片段，
再配上首奏，繼續催淚，
毫無違和感

今日星期日，周末即將完結，但假期仲有一日，各位好好享受啦
如果大家鍾意嘅，請系下面比個Like小弟啦

5/4 第十三次推介

周末+清明節連假已經過去左，
DSE亦已開考，在此祝各位考生好運

今日推介有3首歌

1) 初音ミクAppend - drop

較慢嘅旋律，配上輕輕嘅鼓聲，
令到呢首歌如佢個名建議，
聽完心情有少少「drop」

2) 赤瞳 - 月灯り

CV: 雨宮天
便當番 斬！赤紅之瞳ED，
首歌嘅旋律道出了劇中姊妹嘅結果......

3) 栗プリン - 「千年の独奏歌」

原本Design比男性唱嘅歌，
推高音之後比女性會點?
原唱KAITO，
栗プリン高音好多嘅聲，
完全唔同嘅感覺

今日星期二，周末啱啱過去，DSE嘅各位加油
如果大家鍾意嘅，請系下面比個Like小弟啦

今日有單幾觸目既動漫新聞, 名曲Butterfly主唱 和田光司 因癌症離開咗
對一眾80, 90後被選中既細路黎講, 確實係幾震撼, 但由佢發現有病可以撐到依家, 都已經非常利害

喺咁多個version既Butterfly中, 我最鍾意係尾集依個version,
先係一段輕音樂做背景, 後半段配以正常版本, 動畫當中加埋美美甩帽個幕, 睇幾多次都勁感動


其他歌曲方面, 01 同 02 我都係唔鍾意 ED1, 獨愛 ED2
齋聽歌唔夠feel, 配埋ED動畫, 又係一絕
01 ED2


02 ED2


其實數碼暴龍係咪真係咁好睇?
我會話其實唔錯, 但因為加埋兒時回憶, 對我地依代人係有啲情意結,
翻睇都睇咗2次, 雖然好一部分既情節都記得, 但都可以被感動到,
但如果係新一代既人睇, 可能未必咁有興趣, 依啲係咪就係叫集體回憶? 好似講到好老咁...
*03首中文版OP其實係相當正, 我個人認為係林峯既金曲金, 唔知有冇朋友有同感呢?

最後都要講番句
和田先生, RIP
多謝你為我既童年唱出熱血既一章

小弟以半個動漫人、半個音樂鑑賞人+文學評論者身份路過
抽多少少時間同各位介紹一下~
(又係「傳說巨神」?!)(錯啦~)

今次同一時間介紹兩首同某絕望先生太宰 治小說 <奔跑吧!梅洛斯> (<走れメロス>)為題
又咁巧合由同一位詞人 秋元康,隔0左接近30年時間0既兩首歌。
同一個主題,唔一樣0既口味:老鬼如小弟、後生如各位巴絲 - 唔駛爭。

當然,先0黎0既一首又係動漫OP...(否則又點可能Chat到0黎呢樹...)
<蒼之流星SPT雷茲納>(<蒼き流星SPTレイズナー>)(1985)0既<メロスのように～LONELY WAY～>...)
[喂,又係「笨大」英雄世界大戰系列?!沒錯。先來一次V-Max發動...]

先講講呢套<雷茲納>先(設定係1996年人類登陸火星...已經成不了事實。
而美蘇兩大超級強國,由地球鬥到去火星...<-注意:柏林圍牆一倒,蘇聯都撐唔得耐...)<-駁故
地球人同古拉特斯人0既混血兒「英治」,晌地球人晌火星0既聯合國基地遇襲之後出現:
「我名叫英治，地球正面對(外星人)侵略……」

本篇故事只有38集就被日本SUNRISE腰斬,草草收結。
結局OVA:課金收睇化。(富奸,你好0野...!)
不過,時間關係,講返<メロスのように～LONELY WAY～>先...

(原裝OP版動畫)


(影山ヒロノブ版本,熱血注意)


(Idol Master 萩原雪歩 翻唱女聲版)


音樂方面:感覺得到飛機準備起飛,想跑埋一份0既味道嘛?
輕快的拍子、加上風嘯聲0既Intro(原裝版先有~)...
同英治晌地球0既冒險故事「夾得0黎」不在話下,
亦都同<奔跑吧!梅洛斯>故事入便,梅洛斯出盡全身之力盡全力奔跑0既情節一樣
即使唔聽歌詞都好,純音樂都可以一振精神。(喂~)

而歌詞方面，將梅洛斯0既故事搬到城市背景上演
雖然亦因為要遷就<雷茲納>0既故事,而有「蒼之流星」0既開場:
城市風光0既描寫,意味行人過往的生活、親友等等...都不再令行人留戀。
不過當一出發準備「他鄉去」之時,行人不欲親友的慰留
一心去冒險「闖天下」的追夢者：明白到面前的人生路雖然孤單得漫長
但係能夠追尋夢想的自由之心--又怕什麼困難呢?
(按:同大衛·赫索霍夫0既Looking for Freedom (1989)一樣0既意境。
的確,兩首歌都係以「行人、跑手」為主角。恐怕亦都係主角英治的心聲嘛...)

....好啦,梅洛斯跑手0既部份先去到呢度。當然,有跑手狂奔之時,
亦都有等跑手到(或者等唔到,俾個喪心病狂,六親不信國王處決...)0既「等人者」。
正好係2013年,由<メロスのように～LONELY WAY～>0既填詞人
同一手文筆寫俾AKB48 0既 <梅洛斯之路>(メロスの道)0既視點。

(原來日語版本)


(上海姊妹團體SNH48 0既 普通話版本)


音樂方面:「拎去做打氣歌:一流!」
明快的節奏感,既係為AKB48跳舞而為之,亦都將「等人者」對「跑手」0既心聲
足本0既流露。(喂喂,小說入面,替梅先生去死0既塞先生點可能「靈魂出竅」呀?!)
[小說好睇在呢度嘛~反正全篇只係小弟平時0既長文3篇左右字數總和。習慣就好~
仲有動畫版(青い文学シリーズ,11-12集)可供選擇。]

歌詞方面:
嫌近年各地方樂壇0既情歌太造作、無內容0既巴絲:呢首歌只係有5%情歌元素。
(FFF團團民應該唔會學小說0個位國王...將小弟_____卦?!)
命中注定0既豈止男女之情咁大把。人與人0既相遇,本來就係尋找夢想過程當中0既情節
(暗自呼應<メロスのように～LONELY WAY～>0既「尋夢之旅」。)
等人0既歌者,因緣際會之下,要等候跑者的到來(小說:跑者領自己的便當,以救朋友不死)。
之後等待跑者的情緒-爆發,並且以跑者0既啦啦隊身份:高呼「唔好咁快暈住!搏命跑埋佢!」
即使拎來比喻感情長跑,亦不覺核兀之處。(更何妨呢個係「友情的高呼」?!)

自然地過渡到下片(下半段)。
等人者的獨白:對跑者跑唔跑得完全程0既懷疑、
「花生友」對等人者痴痴等待(?!)0既不解、恥笑、「佢點會跑到0黎呀?」
(<メロスのように～LONELY WAY～>當中,下片提及「想見你一面」0既歌詞
比較之下,強烈0既反差感:小弟唔講都真係唔知 - 原來同一個人寫上、下集。)
連自己都準備打輸數(算啦,再跑的話都驚你斷氣!)之時,
想起跑者決不食言0既宣告...

下片副歌開始以<奔跑吧!梅洛斯>0既內容描述作骨架,
跑者步伐、堅決的意志而克服身體疲勞的限制...
去到呢度:已經係全曲的高潮。
不過,尾中不足0既係「為自己0既緣故」->突然間哪路來的自私搞局?!
(不過,「我中有你」0既意境...都係少鬧幾句好啦...
反正<メロスのように～LONELY WAY～>中0既夢,
正正唔係兩個人最終相見,留住小命咩?!)

趁各位晌希望同絕望0既十字路口中間「唔知點行」之際
小弟多手0既借絕望先生太宰 治0既小說共勉。

---次回(?!)預告---
波蕾 與 哈曼．嘉: 遲來的「悼遲惠子」
Silent Voice

14/4 第十四次推介

半個月就咁過去左
DSE亦踏入尾聲，
而英國高考亦即將開始。
因此小弟將可能未有任何時間推介，
希望各位見諒

今日推介有3首歌

1) 初音ミク - 桜の季節

踏入春天，又係櫻花盛開嘅季節。
咁嘅時間，梗係要應節地聽下「桜の季節」

2) Annabel - 夜の国

15年夏季新番「Gangsta.」(中譯「黑街」)ED，
同其劇情非常配襯嘅ED
同時亦係沉重嘅歌.........

3) 鹿乃 - さようなら、花泥棒さん

聽完沉重嘅，聽吓輕快嘅歌啦
節奏急快配上鹿乃偏高嘅聲線，
好聽

今日4月14日星期四，DSE仲有一個禮拜左右，考生們加油
如果大家鍾意嘅，請系下面比個Like小弟啦

24/4 第十五次推介

大部分嘅DSE Written Paper已經考完，
各位考生，おめでとうございます！
櫻花盛開嘅季節又即將離開，
夏天亦即將為大地帶來美腿雨水

是日推介有3首歌

1) 和楽器バンド - 千本桜

Vocaloid 名曲千本桜，
如果用日本傳統和楽器演奏，
效果如何? 都唔错8)

2) 秒速五厘米 - 想い出は遠くの日々

新海誠出品，必屬佳品
秒速五厘米第一集嘅主曲，
係劇中不斷以BGM形式出現，
獨立咁聽其實好好聽

3) 東方ボーカル -「童遊」(feat. 凋叶棕)

凋叶棕，RD-Sounds，
日本同人音樂團體，
吧聲真係好正

今日4月24日星期日，DSE即將结束，考生們即將解放
如果大家鍾意嘅，請系下面比個Like小弟啦

1/5 第十六次推介

五月，係春天與夏天嘅過渡期。

是日推介有3首歌

1) 初音ミク - 五月雨恋歌

五月嘅第一日，梗係要介紹五月.....雨恋歌啦
「五月雨」是指五月間長降嘅梅雨，
因此呢首歌係偏向悲傷

2) 櫻花莊的寵物女孩OP1 - 君が夢を連れてきた

聽完悲傷嘅歌，聽返首開心啲嘅歌啦
呢首歌就如同佢嗰名一樣，
聽完有種帶來夢想嘅感覺

3) 初音ミク 、 巡音ルカ - ワールズエンド・ダンスホール (World's End · Dance Hall)

呢首歌本人特別推薦睇埋MV，
因為MV嗰背景相信係以香港作藍本，
而且中段會有Routemaster出現！

今日5月1日星期日，周末即將结束，但仲有一日假期！
如果大家鍾意嘅，請系下面比個Like小弟啦

8/5 第十七次推介

咁又一星期了，大家又過得如何?

尋日香港好似有三十幾度，夏天來了

是日推介都係3首歌

1) M.O.V.E. - Dogfight

頭文字D大家好大機會聽過，
不過大家多數只會知電影版，
而忘記左佢都有動畫
Dogfight係頭文字D Fifth Stage嘅OP，
熱血啊！

2) 斎藤千和 - 二言目

又係永無结尾嘅物語系列
本人認為物語系列裡其中一首最好聽嘅OP，
由物語系列女主角戦場原黑儀(CV:斎藤千和)演唱，
有種令人Relax嘅feel

3) 八王子P - Heart Chrome feat. 杏音鳥音

一句: 節奏急快，急速鼓聲，超重電音feel ，完。

今日5月8日星期日，夏天已經來臨，為大地帶來美腿雨水
如果大家鍾意嘅，請系下面比個Like小弟啦

17/5 第十八次推介

由於明日小弟要考試，
是日推介只有1首歌

1) 井上麻里奈 - mathemagics

數學，英文簡稱Math，英文全寫為Mental Abuse To Human。
終物語OP2，
以數學問題作為核心，
由終物語女主角之一 老倉育 (CV: 井上麻里奈)演唱，
悲傷feel

今日5月17日星期二，
如果大家鍾意嘅，請系下面比個Like小弟啦

29/5 第十九次推介

由於小弟上兩週都要考試，
未有時間出post
為左補回進度，
是日推介有4首歌

1) DECO*27 - 妄想税 feat. 初音ミク

如果妄想要交税，你一年要交幾多? 小弟就要交好多税
輕快的旋律，配上中途加速的節奏，
Good

2) GUMI - モザイクロール

快急的節奏，再用返電音style唱，
都唔錯

3) 喜多村英梨 - Marshmallow Justice

又係物語系列 偽物語OP2，
同樣快急的節奏，但用比較柔和的真人聲，
別有一番風味

4) Supercell - 君の知らない物語

Supercell出品水準一直高企，
呢首亦不例外，輕快的旋律，
但節奏比較慢，一樣好好聽
呢首亦同時係化物語ED

今日5月29日星期日，下個月考試的考生們加油
如果大家鍾意嘅，請系下面比個Like小弟啦

6/6 第二十次推介

不經不覺，小弟已經介紹左二十次

是日推介有二首歌

1) IA - 四季刻歌

背景的琴聲，配上較柔的聲線，
加上呢首歌嘅Theme係「時間」同「戀愛」，
成就左一首偏悲情歌曲


2) Niko - Night of Fire

又一首頭文字D熱血歌曲
頭文字D動畫版大部份配樂歌曲都非常熱血，
極急速的鼓聲，配上極快的節奏，
非常熱血

今日6月6日星期一，今個月考試的考生們加油
如果大家鍾意嘅，請系下面比個Like小弟啦