今次會為大家內外細看烏山線 EV-E301 系電車

背景題外話：隱藏內容，按一下這裏顯示

話說上烏山線當時我坐在常磐線日立駅的附近某處（唔賣廣告啦），原定朝早七點上特急ひたち轉水戸線（明明得幾個站都坐特急 不過有 Pass 就算）、上野東京ライン，10 點就可以轉烏山線。

最後因為不幸地瞓過龍的關係，朝早九點起身上網急急腳禁日立最快開的ときわ，先落秋葉原行個圈下午先上返宇都宮，再轉宝積寺先開始見識當日 EV-E301 系的最後一轉車

---

烏山線係一條連接宝積寺駅和烏山駅的非電化鐵路線，部份列車在宝積寺駅會直通行駛東北本線至宇都宮駅


各個烏山線車站（和東北本線共用的宝積寺駅外）各自都有代表的七福神，烏山線所用的キハ 40 形和 EV-E301 系都有七福神和烏山線相關的宣傳


廢話唔多講，搭完東北本線 205 系（仲曾經以為搭過龍）到宝積寺駅，即刻睇下部車先

車站或者網上時間表都無標示邊班車會使用 EV-E301 系，要分辦的話就要睇埋班次編號：M 字尾係 EV-E301 系的班次，D 字尾係キハ 40 形的班次。唔想記既話簡單啲，記住以下班次係 EV-E301 系就得 （來源按此）

宇都宮10：03発の烏山行きは、烏山12：29発の宇都宮行きとなります。
宇都宮13：40発の烏山行きは、烏山15：29発の宝積寺行きとなります。
宝積寺16：35発の烏山行きは、烏山17：37発の宇都宮行きとなります。

簡介 EV-E301 系，可以參考 維基百科 或 JR 東日本官方簡介

車　外　編
EV-E301 系一抽由兩卡組成，每卡兩邊各三對車門，車頭以白色外框加上綠色間線作為主要裝飾


現時唯一一抽載客的 EV-E301 系由 EV-E300-1 和 EV-E301-1 組成



EV-E301 系別名「ACCUM」加上 Logo 大大個放了在車身之上，而車身亦以綠色間線作為主要裝飾
車門使用黃色門膠，比較少見 所有車站都需要自行開關車門上落，所以車門旁邊設有開門制


車頭和車身路線地點顯示使用 3 色 LED 顯示器，會交替顯示路線名稱和目的地，ワンマン即是列車由運転士一人運作（沒有車掌）




烏山方向頭卡車頂設有兩個集電弓，除了在烏山駅內充電外，在東北本線內行走時亦會升起集電弓直接取電


車　內　編

坐感方面，避震算係新車標準所以一定唔會差架啦
加速亦算係有力，但烏山線內最高速度只有 65km/h，往宇都宮方向更加係加速到一半再碌居多，所以對部車可以話無乜難度可言；在東北本線內升了集電弓，表現亦都同一般列車無異，上 95km/h 亦都無乜大問題

PS：在烏山駅外見到的一部「小巴」

佢好似所有班次都唔去宇都宮，淨係去到宝積寺?
有錯請指

johnny0113 on 2016年3月11日 12:24:58: 佢好似所有班次都唔去宇都宮，淨係去到宝積寺?
有錯請指

上圖入面，同埋上文描述已經有班次係去宇都宮