[quote="AVD1";p=2816154][quote="31410.1404911";p=2816132]其實本身民主黨同公民黨喺對大陸關係嘅立場都有差異
我記得公民黨都叫有講過類似反對赤化等口號

如果泛民揀咗個俾人覺得比較親共嘅民主黨/民協嘅人出嚟選
6號攞多萬零票
搞到3號當選都唔出奇[/quote]
問題係起而家政治光譜入面，明顯地係見到傳統泛民早就被政府邊緣化，
事實上傳統民主派而家都比以前右傾左，問題係右傾個幅度都係追唔上現有民意 o既水平，
所以如果七號輸的話，泛民根本已經可以I話玩完 ……

起而家泛民仲叫有叫座力 o既時候，如果仲拎住白鴿黨個思維去做，遲早自取滅亡，
反之而家襯住有新人上場，而七號自己本身人氣都唔係差 o既時候就應該去革新，
而唔係下下封哂閘咁開口埋口就話乜野和理非。根本和理非只不過係佢地 o既一廂情願 ……[/quote]
楊岳橋拉完票，結果尋日四方出嚟廢噏兼倒票
好心佢地班注定比時代淘汰嘅“大佬“睇清楚而家咩環景先講廢話啦

031096 on 2016年3月2日 10:31:38: 好心佢地班注定比時代淘汰嘅“大佬“睇清楚而家咩環景先講廢話啦

個環境未就係佢地離哂地，
咁向來大狀黨都係面向中產，而白鴿黨或者叫面向支持民主派 o既普羅大眾，
當然呢兩者 o既支持者，尤其前者 o既中產級數絕大部份都係想安安穩穩，
反而後者 o既中產以下 level o既打工仔又係民主派 o既人，有部份早就留左去激進派，甚至後生個批去埋本土，
點解？因為佢地就係離地，永遠都唔知道香港人要乜，永遠都認為透過討論政府會聽，
或者董建華、曾蔭權會，但梁振英？唔好玩啦，佢連左派內部都可以分化 …… 仲指意佢？

公民黨個十年宣言，終於聲稱變本土，大家點睇？

我都係觀望吓先，留名下次本民前出擊，公民黨又出聯合聲明

VR-HOR on 2016年3月20日 03:42:58: 公民黨個十年宣言，終於聲稱變本土，大家點睇？

我都係觀望吓先，留名下次本民前出擊，公民黨又出聯合聲明

潮流興本土

選班友出嚟就係為咗乖乖地企住喺度睇太監林剪布

HF3204 on 2016年3月20日 06:32:16:

VR-HOR on 2016年3月20日 03:42:58: 公民黨個十年宣言，終於聲稱變本土，大家點睇？

我都係觀望吓先，留名下次本民前出擊，公民黨又出聯合聲明

潮流興本土

選班友出嚟就係為咗乖乖地企住喺度睇太監林剪布

算吧啦，根本起香港，泛民主張 o既和理非非係完全冇市場，
其實就唔係佢地個願景有問題，個問題核心係和理非非對於而家香港呢個接近瘋狂 o既梁振英政府係完全冇用。

有人話現今好多人將好多野政治化，
咁就拎返過去呢兩日起香港 o既新聞出黎講，講下民生問題。
學生想搵吳克儉收信，作為教育局局長不旦冇理學生，信又唔接，仲要搵差佬黎搞班學生，
事後仲要自 high 話自己好唔順氣。
即係咁，唔想做你可以選擇唔做，冇人迫佢做。人地和平理性非暴力佢唔理，咁人地行動升級之時又話人地係暴徒，咁究竟政府想點先？
係唔係而家死廿個唔夠，要死兩萬個先叫嚴重？

梁振英既然可以炒得曾德成、鄧國威，點解唔炒埋呢條友？既然佢都無能為力，還是因為佢係梁粉所以要繼續比佢強姦學生聲音？

到今日天水圍，堆泥犯法佢唔去理。人地抗議，班差佬就又鎖又拉，
咁簡單是非黑白都唔識分，仲叫人和理非去爭取？

對於前兩任行政長官或者都仲可以，而家梁營政府？香港真係沒有最衰只有更衰

而家公民黨開始轉向，明顯地係想吸返多小選民，
不過都係果句，傳統泛民講左咁多年結果都只不過係一個偽君子，尤其白鴿黨更加係表表者，
與其比時間佢去「修正路線」，我倒不如選擇而家已經行緊「正確路線」o既本土派。
機會唔係唔比佢，而係比左好多次都係另人失望而回。既然而家香港有第三選擇，我就寧願博一次比第三路線了。

事實而家唔只香港，歐洲難民潮都搞到右翼抬頭，點解？未就係因為政府唔理民意，
就算美國而家 Donald Trump 咁高人氣都係一樣，廣義上佢都係一個美國本土派。係人都話美國講人權，但係佢主張 o既種族政策明顯地係有抵觸但都有大把美國佬支持佢。其實大把人都心中有數見到班移民、難民點樣影響到本身美國人。美國佬起九一一之後仲要背負一個恐襲陰影。而家難得 Donald Trump 有種開口，當然會有支持者。