蘋果(21/3) - 政府資助三千萬買混能巴士 唔止慳唔到油仲用多咗

為改善巴士造成的空氣污染，政府耗資3,000多萬資助三間專營巴士公司試驗較環保及慳油的柴油及電力混能巴士，但中期試驗結果顯示，混能巴士的氮氧化物排放量雖比普通巴士少93%，但平均耗油量卻比普通巴士多，表現最差一輛混能巴士比普通巴士多耗油一成半。

九巴與新巴及城巴獲政府資助3,300萬元，各購入三輛亞力山大丹尼斯的Enviro E500H雙層混能巴士，由2014年尾起投入服務試驗兩年。據環保署提交立法會的中期試驗報告表示，混能巴士應較普通巴士節省約30%燃料。但六輛混能巴士在試驗首年，平均卻多耗用3.4%的燃料。其中表現最佳的混合動力巴士亦只能節省5.8%的燃料，而表現最差的則多耗14.7%。行走高速公路路線的混能巴士趨向耗用較多燃料。而在夏天，空調系統需耗用4成燃料，亦降低了混能巴士節省燃料能力。巴士製造商正調整巴士機件以改善混合動力巴士的耗油量。

6部混能行咗接近1年半,平均油耗卻比傳統柴油車多
表現最好那部(8401 ?!)都只係慳唔夠一成燃油...

燃油消耗比傳統柴油車高,會唔會有機會成為經常死火外
另一個唔考慮引入E50H既原因...?!
定係因為香港既營運模式/客量與英國本土不同
而令慳油量未能去到預期既30%...

其實搞咁多野都係得個吉 o既時候，係唔係仲需要再浪費資源去搞 Hybrid 車？

P.S. 其實有冇人知道究竟邊架車個 performance 最好（係唔係真係 #8401），邊架最差，
既然佢都講到「行走高速公路路線的混能巴士趨向耗用較多燃料」，咁係唔係應該放返堆車起市區線？

齋睇副偈已經搵到致命傷
當英國一副ISBe四缸 185匹已經可以運作到一架長11.45米，重約12噸嘅混能車嘅時候，香港係咪需要真係用到280匹（攞到巴士版ISBe嘅極限）去運行一架12米，淨重15.25噸嘅混能車？
家陣部車副偈只需要拉水箱風扇，風油，叉風，發電（車內使用），粗估呢堆都只不過要100匹多啲
拉埋部發電機（驅動用），畀盡200匹多啲已經OK

另一個致命傷可能同佢運行方式有關（戴個頭盔先：小弟唔太識混能車）
佢要發電畀馬達果陣都要扯盡2100轉嘅話（好似係），呢度都係另一個致命傷
有啲引擎知識嘅人都知引擎最慳油嘅range只有1100-1500rpm 左右（理想值，實際更窄）
但E50H發電畀馬達果陣，踩多幾下就上到2100轉，咁咪大食死人囉
咁點慳30%油呀？

不過老實講，我都好想知巴士公司同環保署點樣測試啲車
環保署話慳30%，但其實睇個配備再加少少資料搜集（純粹搵下Hybrid車嘅運作方法）都唔覺佢會太慳油。
其實環保署係咪同幾10年前果堆蘭呀，豪呀，龍鷹呢堆偏高轉同大食嘅車比（眾所周知政府啲料係好落後。聽過啲私家醫生講話呢幾年啲細路都已經大隻左但衛生署仲可以用差唔多20年前果個圖話啲學生超重 ）
咁樣比其實慳30%絕非難事
而巴士公司就搵番E50D比，但大佬呀，E50D大多時間都死守慳油range行車點同一發電就扯高轉嘅E50H比呀

[偽文青]E50H應該只會「到此一遊」唔會「落地生根」[/偽文青]，首先條數貴到嘔泡，之後試到嘅燃油數據仲要大食過柴油車，移家巴士公司應該諗盡辦法ban左呢個計劃佢，過多一排就宣佈「唔岩香港用」。
完。

RW5779@234X on 2016年3月22日 21:56:25: 齋睇副偈已經搵到致命傷
當英國一副ISBe四缸 185匹已經可以運作到一架長11.45米，重約12噸嘅混能車嘅時候，香港係咪需要真係用到280匹（攞到巴士版ISBe嘅極限）去運行一架12米，淨重15.25噸嘅混能車？
家陣部車副偈只需要拉水箱風扇，風油，叉風，發電（車內使用），粗估呢堆都只不過要100匹多啲
拉埋部發電機（驅動用），畀盡200匹多啲已經OK

用 ISB4.5 vs ISB6.7
好似係 BAE TB100 (for 19 噸或以下，亦即 E20H E35H E40H) vs E50H 個副 TB200 (19 至廿幾噸) 既分別
後者輸出較大
但因此亦要一副較大既偈去發電先提供到所需功率




如果無理解錯，只有初代 E200H E400H (即係歐四同歐五既 E200 Dart 同 E400 Trident 演變而成) 先係用副偈做晒紅色個行字
副偈要長期開著
第二代 E40H (歐五，副偈橫置擺左邊) 設計上可以無咁依賴引擎做齊晒呢幾項工作
第三代 E40H (歐五尾至今，副偈縱置擺中間) 好似已經將呢堆工作抽起晒唔直接由引擎帶動，所以原生已經有 stop-start




之前澳洲都試過 E350H，個設計相信係第一或者二代
又係無 stop-start
測試報告反映油耗只係同 B7RLE 相若甚至差少少
巴士年鑑好似都提及過原因包括左用引擎帶動冷氣既油耗



stop-start 技術對巴士黎講好重要
市區巴士行下停下
車速 0-5kph 個比例其實相當驚人
上 youtube 大把行家 post 巴士行車片但 cut 晒停站同埋燈位或者塞車時間
片長比起實際行車時間閒閒地少兩成
(近年香港巴士公司愈黎愈唔想做流水線都係類似原因，停車等候時間長白白浪費燃油又減慢回車但又無額外收入)
呢堆時間如果可以熄左副偈咁就真係爭好遠


如果停車唔熄副偈
開車時副偈轉數都係上上落落
咁根本同柴油巴士都無大分別
就算行車原理有別但頂多咪似換左個慳油波箱所慳到既用油量



6 架混能巴士搭過九巴 3 架同埋 5600

1A 個架由新車個陣已經完全似廣告聲稱咁每次停車會熄左副偈
619 個架最初幾個月根本副偈全開，個調較係極度無力
上東廊或者出東隧或者上振華道副偈扯到衡晒但車速連 3 字頭都無
最近表現正常晒，有返 stop-start
104 個架新出牌幾個月就算下繁大塞車都好少熄偈
5600 舊年夏天下繁搭過，好力得黎但副偈全程開著

而且就算有熄偈但每次司機一鬆手掣或者鬆 brake 開車就即刻著返
根本可以 set 低少少行車輸出
減低對引擎功率既要求
咁就唔使咁快驚無電要再叉過

近期坐過幾次8401@5B，基本上每次停左車半分鐘左右就熄偈，試過有幾次一停定即熄。其實我覺得佢可以set到約15kph先著偈都唔過份，應該可以再慳啲油。

同埋有樣百思不得其解嘅嘢，就係點解會將架混能車放長途線？架車慳油係因為停車熄偈先慳倒，行長途係咪想試舊電幾時打柴？

RW5779@234X on 2016年3月22日 21:56:25: 另一個致命傷可能同佢運行方式有關（戴個頭盔先：小弟唔太識混能車）
佢要發電畀馬達果陣都要扯盡2100轉嘅話（好似係），呢度都係另一個致命傷
有啲引擎知識嘅人都知引擎最慳油嘅range只有1100-1500rpm 左右（理想值，實際更窄）
但E50H發電畀馬達果陣，踩多幾下就上到2100轉，咁咪大食死人囉
咁點慳30%油呀？

咁其實你講轉數呢樣根本就可以靠Program改
改返低個轉波轉數根本就咩事都解決晒
同埋ADL佢唔係行Parallel,都係要經套controller(如果冇記錯)
只要set翻比多少少電個電池就已經夠行,甚至可以減少電池數節省車廂空間

S3N361.GA6479 on 2016年3月23日 02:15:08: 近期坐過幾次8401@5B，基本上每次停左車半分鐘左右就熄偈，試過有幾次一停定即熄。其實我覺得佢可以set到約15kph先著偈都唔過份，應該可以再慳啲油。

同埋有樣百思不得其解嘅嘢，就係點解會將架混能車放長途線？架車慳油係因為停車熄偈先慳倒，行長途係咪想試舊電幾時打柴？

如果set到15kph我諗個電池容量要加多至少50%(香港環境)
同埋放長途線係想試長途車既省油效益(特別試公路大上大落環境下套混能系統既可靠性)

其實個mon下便有條bar係電量，搭過969個架一起步條bar由8成得番一半，跟住著偈高轉先上番7成

051039 on 2016年3月27日 10:35:51: 其實個mon下便有條bar係電量，搭過969個架一起步條bar由8成得番一半，跟住著偈高轉先上番7成

着住偈起步都跌到一半？

其實而家個底盤佈局搞成咁，再加多幾嚿電逼多啲stop-start睇怕又唔知要霸多幾多個位，除非換個廢啲嘅冷氣，又或者換過個dynamo逼副偈叉電永遠行中轉 (which其實間間引擎廠都會喺一啲發電用嘅引擎淨係寫中轉嘅輸出同扭力，擺明淨係預你run死某個轉數)，又或者學而家啲波箱咁平路限晒輸出(至於而家呢套system識唔識咁做又係另一個問題)，如果唔係以而家呢種玩法喺停車時間成日熄唔到偈，長遠又徙油又不利車務調動，特別係全香港好似1A、5B呢類大流水嘅路線真係唔係太多

但係又有另一個問題，如果要副偈長行中轉，重要中轉出到280匹咁多，即係唔只發電機要高一級，連副偈都可能要換返大cc，又不利車重，不利車重與此同時可能都不利最後載客量

尤其係本身個摩打力水都係啱啱夠爬大斜，長時間爬山又會影響效能同輸出，始終而家隻摩打continuous run得218匹

Naphthalene :

051039 :其實個mon下便有條bar係電量, 搭過969個架一起步條bar由8成得番一半, 跟住著偈高轉先上番7成

着住偈起步都跌到一半?

其實係:
架車起步嗰時引擎未啟動, 起步之後一排先著偈.

個人覺得: 混合動力巴士基本莫講1A(九巴)、5B(城巴)呢類大流水嘅路線, 隨時只有區內或短途流水(如九巴5M*, 39M, 80K, 284*等等)更加適合

*可以同超級電容巴士做對比{5M為短途流水, 因有部份車站並不在觀塘區(小弟唔肯定, 有錯請指正)}

如果學某啲混能私家車咁配返個單速波箱喺高速時直接由引擎輔助帶動車輪又可唔可行? 咁應該可以減低摩打喺高速時嘅輸出從而減低高速油耗 (始終高速唔係摩打個飯)
畀返啲例子先： Honda Accord Hybrid 同 Mitsubishi Outlander PHEV 係配咗單速波箱高速用