香港巴士論壇

我相信如果有板友追開吹水台就知本人講過呢個問題好多次，但站方唔知係唔係真係睇唔到呢個聲音，我都係認為放返起到再 post 過好些小。
當然上星期我都已經出過文，不過就不斷出 error。之後，小弟就唯有 send Email 及去本壇面書 PM 比我地管理員，結果 Email 冇回應，面書就同我講一句用 Unicode 字元發表文章。

一般性錯誤
SQL ERROR [ mysql4 ]
Incorrect string value: '\xF0\x9F\x8F\xA0\x0A\xE7...' for column 'post_text' at row 1 [1366]
當讀出此頁的時候發生一個 SQL 錯誤。如果問題一直存在，那麼請連絡 管理員。

講真，呢個回應其實我真係唔係好滿意，我向來都出到文，係個日，同埋尋日某個時候又出現 error。咁又同 Unicode 有咩關係？我就懷疑呢到有 bug 囉 ……



好，講返正題。
話說上月尾本壇就話要搬伺服器，起面書就講到：

【唔好意思】
為左提供更好嘅服務，同時加快本地同海外嘅瀏覽速度，我地將會搬入新居 INF IV 🏠
系統遷移期間，大家會暫時上唔到論壇，而其他寄存響現有伺服器嘅網站都會暫停服務，以便大家數碼戒毒一陣 📲
遷移開始時間：2016 年 5 月 25 日 23:00
預定終結時間：2016 年 5 月 26 日 10:30（最後更新：2016-05-26 07:45）
我地會響呢個 post 繼續更新遷移嘅狀況，一有最新消息我地會通知大家

結果而家上黎 BF 個速度冇快過，仲比以前慢上加慢。有時仲要慢到乜都 load 唔到
之前小弟就起「吹水台」講過呢個問題，見其他板友一樣有呢個問題出現，但又唔見站方有咩回應，或者真係要過黎 120 正式開個 post 討論下呢個問題。

利申：
1）小弟身處海外
2）使用 Google Chrome
3）Mac 用家


附圖：
1）發表新主題，load 到一半就死左，狂咁 refresh 都係冇用。

有時可以等成三個字都係咁。有時就三個字都係白畫面。

2）使用網上其他 Website speed test / performance test，入隔離板 11 秒搞掂，入黎 BF 兩分鐘都唔掂結果人地都出埋 error
隔離板：


本網：

唔好話兩分鐘，十五分鐘都 load 唔到而家揀直就係食生菜。

實情小弟想回下文，或者發個貼（好似而家呢篇文咁），有時搞半粒鐘都 load 唔到。其實起吹水台入面都唔只我一個人話搬左伺服器之後個 performance 唔穩定。
希望站方可以正視下呢個問題，並希望搵下解決辦法。

_________________
想要其他人比尊重你，請先問自己有冇尊重過人。

多謝你嘅報告，六月六日當日我地嘅伺服器的確曾經發生問題，如果再有發生問題：

一）有關 SQL Error 嘅問題
此問題絕大部份情況下都係因為加入咗系統唔支援嘅字元，如果你認為你送出嘅文字入面無呢類字嘅話，麻煩將文章內容儲存到 notepad (Unicode 編碼) / TextEdit，請儲存後關閉檔案及重開，並確保所有文字齊全，然後以附件形式電郵俾我地。

二）有關連線／速度問題
請先確保同時間你能夠正常連線到其他香港網站（如香港天文台），然後電郵提供：
ａ、你所在嘅城市
ｂ、香港時間
ｃ、traceroute hkbf.org (macOS) 或 tracert hkbf.org (Windows) 結果
我地排除係伺服器問題後，集齊一定數量嘅板友資料會轉交伺服器供應商跟進。

我岩岩已經 send 左 email 去站方個到。如果管理員見到麻煩去睇一睇 Email (我 provide 左小小 information 比你地）。
我而家又要 load 半粒鐘都 load 唔到，想發呢篇文都等左成半個鐘先搞到 ……

Anyway，頭先 load 左十分鐘 load 到咁樣：


要 load 半粒鐘先有辦法可以入到黎發聲，唉

_________________
想要其他人比尊重你，請先問自己有冇尊重過人。

岩岩又再出現 SQL Error，已經 Email 左比壇方跟進。

P.S. 吹水台又有板友報告有 bug 了 ……

_________________
想要其他人比尊重你，請先問自己有冇尊重過人。

小弟用 PC 嘅 Google Chrome 唔得，但用 Internet Explorer 就好快

omsibtstudio on 2016年8月25日 09:34:23:小弟用 PC 嘅 Google Chrome 唔得，但用 Internet Explorer 就好快

如果要用 Internet Explorer 就死得
小弟用 Mac 機根本冇辦法用到 IE ……

Anyway，見起吹水台都有人話尋日呢到入唔到黎，
雖然呢，近日 BF 係穩定左，但仲需要改善，而家係時得時唔得（雖然得 o既次數係多過唔得好多），但始終都仲有空間改善 ……

_________________
想要其他人比尊重你，請先問自己有冇尊重過人。