大家對導航位有咩睇法同建議？
例如AVC咁，兩邊都係單人位，而且比較高
而ATSE就係兩人位，比較底，但有條車身結構柱位阻視線
大家有冇咩睇法建議？

其實我覺得導航位有利亦有弊。利就在於乘客可以近距離同司機接觸，長遠則可以建立友情，亦可以增加小量座位，亦方便傷殘人士或老人上落車。而弊則在於乘客有機會干擾到司機揸車，例如大聲講電話、打機等等，甚至有巴士迷用拍攝器材來拍行車片段，依D行為都有機會影響司機駕駛。

我會建議導航位設立最低年齡限制（同唔建議小朋友坐私家車前坐一樣），避免小朋友因為使用有關坐位承受不必要嘅風險同傷害，仲可以避免騷擾司機。
當然，導航位都可以加返安全帶保護乘客。

導航位一向受好多巴迷歡迎
不過唔少司機都唔太鐘意，因為會騷擾到司機。
而且個位都唔太安全，一dup車隨時撞落塊玻璃度
乘客都未必一上車就扣安全帶

erickin1873 on 2016年8月5日 03:45:47: 我會建議導航位設立最低年齡限制（同唔建議小朋友坐私家車前坐一樣），避免小朋友因為使用有關坐位承受不必要嘅風險同傷害，仲可以避免騷擾司機。

搞咁大壇野不如拆左佢算
一部AVC都係唔見兩個位
E400唔見三個
我唔見得呢度會對載客能力有太大影響

導航位本身只係用黎加大載客量
對本身載客量低嘅車可以用盡車廂空間塞最多人
呢樣野我覺得間間巴士公司都唔係好Like
如果唔係咗應該唔只得呢幾款車有導航位啦

導航位呢家野真係可有可無
至少在我而言我覺得除左拍片之外用途不大
我唔拍片果陣都唔會優先選擇導航位坐

Ellielo825 on 2016年8月5日 12:03:08: 導航位一向受好多巴迷歡迎
不過唔少司機都唔太鐘意，因為會騷擾到司機。
而且個位都唔太安全，一dup車隨時撞落塊玻璃度
乘客都未必一上車就扣安全帶

據我印象 導航位仲要未必有(定未有?)配備安全帶
加上導航位高左一級, 坐近走廊o個個位就真係要小心d

ethylethanoate on 2016年8月6日 18:23:14: 加上導航位高左一級, 坐近走廊o個個位就真係要小心d

近年城巴NL262兩個導航位變咗做優先座，明明低地台區仲有啲更方便就坐嘅座位都唔揀，揀呢兩個要上一級嘅住，都唔知係咪真係留俾有需要人士坐...

記得喺 SLF 巴士出現之前, 香港巴士一定有兩排位,
安排喺前軸兩個轆之上以善用車廂空間同增加載客量 (雞鴨除外),
以前我坐巴士我最鍾意坐最近上車門個位睇車長揸車,
不過隨住依家巴士超低地台化, 前軸輪冚位咁高已經好難再好似以前啲巴士咁,
喺呢兩個位置加一排可以坐四至六個人嘅對向位啦,
其實導航位我覺得如果乘客係守規矩嘅係完全冇問題嘅,
而且坐呢個位我覺得睇景都幾好, 不過你真係要無時無刻都要記住緊握扶手,
依家啲 SLF 巴士, 要整到個導航位上多一兩級先至坐到上去,
又唔坐得多人, 對增加載客量又唔見有太大幫助,
不如索性將呢個位改做放雜物位, 比啲買得多野嘅乘客將啲野放喺呢個位咪仲好...

我覺得有時都會影響到司機...
1.) 有巴士迷坐,個個站一離站叫我按報站/下站轉分段,行車途中見到其他線出特見即時問我知唔知部車既字軌...
2.) 普通乘客,停燈位/埋站我只係行得快少少同前車停得埋dd,大聲尖叫(你估撞埋去咩?)
建議導航位取消左佢啦...

HN8597 on 2016年8月7日 19:21:22: 我覺得有時都會影響到司機...
1.) 有巴士迷坐,個個站一離站叫我按報站/下站轉分段,行車途中見到其他線出特見即時問我知唔知部車既字軌...
2.) 普通乘客,停燈位/埋站我只係行得快少少同前車停得埋dd,大聲尖叫(你估撞埋去咩?)
建議導航位取消左佢啦...

2.) 啲人成日話紅小超速乜乜乜，的士超得仲勁啦
話分兩頭，以前某線仲掛大量av個時禮拜六日夜晚搭，坐導航位師父就揸得正正常常
當我一坐第二度手車就開始快啦，咁我之後搭個條線都唔坐導航位，手車快啲爽啲

有得揀我都會坐後面先，我有我坐，司機自己係前面揸

導航位有利有弊,依家都唔係有好多巴士有這個位。個人認為應該設法例要乘客坐導航位時帶安全帶。