車身銀邊崩真係呢款車既通病，睇左十部唔係左邊崩就係右邊崩

但好坦白，我覺得呢架車已經出得好靚，個模已經靚過同準確過部３１２膠車好多，我已經收貨有餘了！

講真果句, 呢架豪華亞比安係我入咁多款九巴車之中最令我喜出望外嘅一款巴模,
因為呢款車我真係已經期待左佢出模型好耐, 膠車 06 年出模型我冇入手,
因為佢真係出得令我冇入手嘅意欲, 依家估唔到佢有機會出官方版,
而且出到嚟嘅效果更係令我覺得超乎意想之外嘅精美,
總算冇辜負我對今次呢兩架模型有咁高嘅期望,
某君唔洗喺呢度猛咁捧 A 廠讚佢出得點好點靚, 跟住就狂踩 B 廠彈佢出得點衰 QC 點差,
出得好唔好有買過嘅公道自在人心, 我地亦唔需要此作為入唔入果款模型嘅指標,
無需要喺呢度幫人做打手, 反正你都唔會有錢收啦!

S3N337 on 2016年10月1日 00:22:02:

HV9990@211 on 2016年10月1日 00:10:47:

dbat98D on 2016年9月30日 19:57:19: 完全有同感。仲有粗過水管嘅扶手、厚過巨無霸嘅Logo牌、厚又裂嘅車窗。
唔該玩家真係提高下水準啦,呢啲咁嘅車就收貨唔怪得某啲巴士公司同製造商
得過扯過。

你講緊對面海之前出嗰幾部？

出得好GRAND果幾部?
你地對批dm躉彈三彈四時就潛水, 一有人講對面岸d車既缺點就凸個頭出來
唔該刷鞋真係提高下水準啦

又係喎! 以車論車，呢批亞比安已經出得唔錯，真係唔明點解會有人用其他廠去比，而其他廠又唔係真係好...如果有買過DM躉都知，20架都冇1架ok，A柱斜，補油崩油樣樣有，12米龍都係架都有補油...鐘意某間廠，總係隱惡揚善，廠方點會有改善呀!

呢批亞比安肯出官方鐵車真係好意外，雖然QC唔係十分好，但起碼都可以5/6架揀到一架冇問題，但正如樓上所講，車身銀邊的確有崩油既情況，至於其他版友講粗過水管既扶手、厚Logo牌等等，既然架架都係咁，呢d唔係瑕疵問題啦~