由於現時港鐵有很多站名無法代表其地區，我FF了一張我理想中的站名圖如下：



路線名
因為東鐵綫及西鐵綫並不符港鐵一貫命名原則，故改為屯門綫及上水綫。至於竹篙灣鐵路亦按其地名改為竹篙灣綫。

港島綫
所有以物業及大學命名的車站均已改為其地名。而位於銅鑼灣東的車站亦已改為其名。

荃灣綫
所有以物業命名的車站均已改為其所在地名，至於「佐敦」因為現時普遍香港人已經接受為該區地名，當地路牌亦有使用佐敦一名，故保留之。至於位於太子道西的車站，因當地仍普遍被稱為「旺角」，故名「旺角北」。

觀塘綫
現時「樂富」已經完全取代了原有「老虎岩」地名，故保留之。而位於彩虹交匯處附近的車站仍然按其現時使用中的地名「牛池灣」命名。至於新設的兩個車站則按地名命名。

將軍澳綫
新市鎮範圍內的車站全部使用其分區規劃名稱。

機場快綫
因機場快綫屬機鐵而非地鐵，故必須使用機場站為機場的車站命名，不採用地鐵以地方名作站名原則。

東涌綫
車站全部按地名命名。位於西九龍填海區的車站按市民普遍稱呼為（狹義上的）西九龍（因其並非位於市中心，故不直接用「九龍」命名），而位於香港的車站因屬香港市中心，並與機鐵共用，故直稱為香港。

竹篙灣綫
車站按地名命名。

上水綫
市區終點站因位於九龍市中心的火車站，故回復舊名以方便乘搭火車的遊客。馬場站因屬特殊用途車站（沙田馬場專用車站），故保留「馬場」一名。「太和」站則須以「太和市」理解。「大埔墟」站應否改為「運頭塘」站則須再研究。

馬鞍山綫
車站按地名命名。

西鐵綫
車站按地名命名。天水圍站實際位於屏山及天水圍之間，沒有更好的命名。

如果係用地名，
1. 九龍好似唔夠啨晰，應為九龍指旣地方應該都幾大下
2. 樂富用老虎岩？
3. 荔枝角應該轉返做荔灣？荔灣同荔枝角應該係兩個好近旣地方，但係美孚係荔枝角灣，所以應該用荔灣
4. 旺角北同旺角東，可以善用下太子道命名
5. 香港站都唔應該叫香港站，可能叫下做中環北會好d

成幅圖用地名做感覺唔錯。我最唔鍾意，就係地鐵公司，將一d地方名有目的地自創名稱，例如陰澳轉做欣澳

有一點唔係旣肯定，就係康城站近小赤沙，但係佢係屬於百勝角定小赤沙？

馬鞍西
如果係地名，馬鞍山我諗有問題

太和應該改為大埔西/大埔頭

KM7093@249M on 2016年10月8日 13:27:51: 如果係用地名，
1. 九龍好似唔夠啨晰，應為九龍指旣地方應該都幾大下
5. 香港站都唔應該叫香港站，可能叫下做中環北會好

九龍同香港站名主要係遷就國鐵同機鐵，方便遊客，同埋更重要一點係佢哋都係喺市中心，九廣鐵路一直都係將其位於九龍CBD嘅總站叫做九龍站，即使中間搬過站都好，反而西九龍個機鐵站唔係喺市中心，唔太適合直稱九龍。

再唔係學大陸，將紅隧口個站叫做九龍火車站 Kowloon Railway Station。

小可愛智智 on 2016年10月8日 15:14:03:

KM7093@249M on 2016年10月8日 13:27:51: 如果係用地名，
1. 九龍好似唔夠啨晰，應為九龍指旣地方應該都幾大下
5. 香港站都唔應該叫香港站，可能叫下做中環北會好

九龍同香港站名主要係遷就國鐵同機鐵，方便遊客，同埋更重要一點係佢哋都係喺市中心，九廣鐵路一直都係將其位於九龍CBD嘅總站叫做九龍站，即使中間搬過站都好，反而西九龍個機鐵站唔係喺市中心，唔太適合直稱九龍。

再唔係學大陸，將紅隧口個站叫做九龍火車站 Kowloon Railway Station。

咁樣反而冇做樓主想用地命做路線圖旣原意，如果樓主真係想方便埋國鐵(??)同機鐵，可以考慮下用地命做站名，然後加返個括弧畀個站，例如：紅磡(九龍)

同埋老虎岩其實未原全被取代，變電站好似仲係以老虎岩名命

「天水圍站」更名「屏山站」
絕非唔合理(屏山就晌車站0既其中一邊...
而附近某間康文署0既圖書館
亦都係同時「屏山、天水圍」並列命名。)
反正天水圍0既各位巴打、街坊
對呢個「圍」字非常在意(當然係另一個方向0既在意啦...)
不過:仲有更好0既名,
可以洗一洗各位「圍城中人」0既不白之__呢?
(改0左名可能居民行好運...都唔出奇...)

「錦田站」(錦上路站)晌西鐵開線之時,
已經出現過「上村鄉對錦田鄉」0既「車站名之爭」...
「錦上路」呢個名:講白少少「只係一鄉各讓一步」0既結果
如果可以改四個字長度或以上0既車站名(輕鐵出現0左0既:輕鐵車廠)的話:
「錦田上村路」站呢個急口令式站名...
巴打,如果唔理政治問題的話:「錦田站」一早就沿用至今。
(所以又係政治問題作怪。恕小弟回帶一提了)

而太和站就真係因為地處太和邨
先改成咁...1988年之前大埔就只有「大埔墟站」
1985/86年先開始「追加」呢個太和站
應該係配合太和邨入伙,先至「加站」卦...
(中大0既大學都係「追加車站」,50年代先開始
以「馬料水站」存在...後來中大開山之後先改名...
咁又係0既:「馬料(尿)水」有不雅0既聯想,九鐵唔乘機改名搏___咩?!)

觀塘線0既黃大仙站:
一樣可以還原「竹園」呢個仲未有黃大仙上、下邨之前0既地名
(參考早年106線九巴點命名而家「黃大仙總站」...)
不過「竹園站」外不是竹園邨...
會唔會比「荔枝角(地鐵) 對 長沙灣(九巴)」更搔路人甲0既頭,惹人誤會...
小弟就唔多亂講啦。
[故此,屋邨附近0既車站(例:南昌站-南昌邨0既西邊,
杏花邨[上圖-白沙灣]:車站上蓋已經係「杏花邨」!):都係唔改好過。]

最後「批鬥」一下「銅鑼灣東」/「石硤尾」:
呢兩個比較麻煩0既車站名。(唔係鬧樓主呀。因為真係「煩死地鐵公司0既Planner」。)
兩個都係「大坑」:一個香港島炮台山、銅鑼灣之間,一個深水埗、九龍塘之間...
如果真係順意地方名而命名:的確鬧「雙胞胎」。
前者改成「銅鑼灣東」,雖然地方命名方面正確...
不過:地鐵公司改車站名從來「唔搞一地兩名」(所以元朗東、元朗西絕對唔會採用)
以免有唔熟地方、方向0既乘客「摸錯車站」,大惹乘客不便...

故此:「港島大坑」即使舞火龍出名,又地處「銅鑼灣東」:兩者唔會被地鐵公司採用
而九龍大坑有條石硤尾村(後來公屋化)->所以連樓主都唔會改0既:小弟就唔再多講啦。
反而港島0既大坑就麻煩啦:本來改「維園」都可以0既車站
因為銅鑼灣站都晌維園0既隔離(西邊),又係怕乘客摸錯地方:再改過。
附近傳統地標、地方名又唔多有幾個:
芽菜坑晌山上,距離太遠,犯「竹園唔晌竹園邨內」0既命名大忌:出局
同港島大坑有關係0既「蓮花宮」又如何呢?抱歉,唔同芽菜坑0既係:
「距離唔及「天后廟(天后)」0既近」...

改個地鐵站名都咁多煩惱事。
更何妨新發展區0既地方名?!改得唔好0既,人畜不寧。
都唔好話小弟「檢點」太多:如果只係一個半個地方改唔好,
小弟呢個CD-ROM都唔會浮上水講咁多現實上0既考慮。
恕小弟得罪樓主之處太多啦。

PS 旺角同旺角東呢兩個站之所以被採用
完全係九鐵、地鐵合併之後,兩個同地方名0既車站「一齊出現」
先至有如此「方向性」0既命名。急需分別兩個同名車站之時:先出現0既「例外」。
(俾小弟改名的話:「加多利山/嘉道理山」<-晌座山0既山邊,改成咁又唔算意外)

其實長沙灣站真係位於長沙灣，可以參考返呢篇文章

不過樓主係想將車站名改晒做地名，定係想車站名代表到個地方？

老實講，假如有得揀 o既情況之下，
用東、南、西、北呢 d 方位去做站名其實係幾唔清晰 o既做法。
如果一個人唔熟識當區地理位置，用方位根本就係冇意思。

反之我認為可以考慮係：
荃灣西 ＞ 荃灣碼頭
旺角北 ＞ 太子 （老實講我認為叫太子其實問題不大）
銅鑼灣東 ＞ 我係同意上面所講，其實用大坑可能仲好
元朗東 ＞ 其實根本個邊係叫雞地，何況元朗西比元朗東仲近元朗市中心
元朗西 ＞ 元朗 ／ 元朗市
葵涌 ＞ 葵涌其實真係好大，就咁叫葵涌其實我認為真係有點誤導，所以我唔建議要轉名，連帶葵芳站都唔應該轉。

其實啲東南西北最好唔好現...

荃灣西 --> 大涌 / 祈德尊
對比荃灣站，呢個位一啲都唔西，最多叫南，荃灣碼頭拆咗，咁叫大涌或者祈德尊算數

葵興 + 葵芳 + 美孚 + 太子 + 紅磡 + 黃埔 + 恒安+ 天后 + 朗屏 唔洗改名

青衣 --> 牙鷹洲
呢個位真係由牙鷹洲填番嚟

長沙灣東 --> 元州

牛頭角 --> 雅麗 / 勵業

車公廟 --> 車公

旺角東 --> 花園

HF3204 on 2016年10月9日 10:03:54: 其實啲東南西北最好唔好現...

荃灣西 --> 大涌 / 祈德尊
對比荃灣站，呢個位一啲都唔西，最多叫南，荃灣碼頭拆咗，咁叫大涌或者祈德尊算數


青衣 --> 牙鷹洲
呢個位真係由牙鷹洲填番嚟

長沙灣東 --> 元州


旺角東 --> 花園

荃灣碼頭其實宜家仲有，不過係新起旣，響西鐵站出面

青衣返宜唔洗改，因為佢響填海地上面起，正確講係青衣同牙鷹洲中間
宜家填海填埋左，其實叫青衣仲啱

旺角火車站個位，叫花園係因為花園街定花墟市？

KM7093@249M on 2016年10月9日 12:35:40: 旺角火車站個位，叫花園係因為花園街定花墟市？

呢個站就喺正呢兩個位包住
花園太COMMON既，改叫花墟都得

HF3204 on 2016年10月9日 10:03:54: 其實啲東南西北最好唔好現...

荃灣西 --> 大涌 / 祈德尊
對比荃灣站，呢個位一啲都唔西，最多叫南，荃灣碼頭拆咗，咁叫大涌或者祈德尊算數

葵興 + 葵芳 + 美孚 + 太子 + 紅磡 + 黃埔 + 恒安+ 天后 + 朗屏 唔洗改名

青衣 --> 牙鷹洲
呢個位真係由牙鷹洲填番嚟

長沙灣東 --> 元州

牛頭角 --> 雅麗 / 勵業

車公廟 --> 車公

旺角東 --> 花園

車公廟係一舊野，無可能咁樣改…
唔要個廟字嘅話倒不如叫沙田頭/秦石

HF3204 on 2016年10月9日 12:46:57:

KM7093@249M on 2016年10月9日 12:35:40: 旺角火車站個位，叫花園係因為花園街定花墟市？

呢個站就喺正呢兩個位包住
花園太COMMON既，改叫花墟都得

其實叫花墟又真係唔錯，最少肯定方便到外國遊客先

花果山美侯王 on 2016年10月9日 13:29:08: 車公廟係一舊野，無可能咁樣改…
唔要個廟字嘅話倒不如叫沙田頭/秦石

呢個站係記念某前政府高官喺車公既聖旨下冧低
車公廟同麒麟只係工具，車公顯靈係最大功勞，一定要記住佢

(同香港站個case有D相似~)將軍澳站呢個都幾麻煩, 明明成個新市鎮係叫將軍澳, 有乜理由比地鐵拎左黎只係做一個小區嘅分站名, 佢搞到調景嶺坑口寶林好似唔屬於將軍澳咁
之但係又諗唔到其他名, 叫尚德又好似遠得濟...

說好的以地名改車站, 機場站係咪都應該改叫赤蠟角?