岡山－高松
日本比較少有既雙層列車, 雖然得其中1卡.
後來我晚上係板出見到サンライズ瀬戸, 往東京既雙層寝台特急
不過手機記錄一張就費事post出黎
其實自己晚上先坐佢由岡山入四國,
唔知係咪D女生太獨立定對日本治安好有信心
出左岡山未入高松既地方, 除左JR車站外面幾乎係漆黑一片咁濟
就算有路燈都好微弱
但唔少都係自己一個女仔出入呢D車站
都幾勇敢
JR 麵包超人列車 予讚線特急
高松－松山
本身Plan未諗過坐呢部, 但拎Pass耐左, Miss左之前班車,
相比關西, 四國路上架車都幾搖晃, 結果我寫Postcard既字好撩
但一路上都係鄉村地區, 仲有個瀨戶內海睇下
去程程車唔多人, 反而到左松山見到幾多人等返高松/岡山方向
回車都係晚上 (坐8600系), 除左上面既事都會見到
好記得有個站叫壬生川, 見到乘務員跑出去出口位查落車既人票
我估係郊區站長已經下班, 之後又要跑返去車頭開車位置,
開左車不久又要係車廂Check人票,
見到佢比較年長都幾辛苦.
伊予鐵道電車
松山地區一條好有歷史既鐵路, 1888年開鐵路至今
搭軌道線, 姐係上圖既電車, 大概就好似單層既香港電車咁樣
而落車理論上要按鐘, 司機會轉身檢查你比足錢,
不過個人觀察唔按佢都一樣係站站停同開門, 即使車站無人.
由於只係搭過南邊 道後溫泉, 大街道, JR松山駅 呢一段
Google map睇返北段, 會比較似輕鐵坑尾村果段, 有自己路軌唔同路面平行
另外伊予鐵道仲有三條重鐵線
當然唔少得仲有少爺列車
其實佢每日日間會行幾班來回, 不過就唔到時間坐
只能係道後溫泉駅同佢影下相
JR 1500形氣動車 高德線普通
高松－引田
其實佢係2卡編成, 高德線亦係非電化路線
攝影位置係一個無人站 粟林公園北口
第一次落無人站, 而車上乘務員會出黎查票
真係唔好出站先黎搵車飛, 會搞到成班車延誤
琴平電氣鐵道
雖然無伊予鐵道咁耐歷史
但都係高松市內同琴平既重要交通之一
呢條電鐵係高松市內會經過大量平交道,
剩係聽平交道既響聲愈大就可以感覺到就快有車黎 (或者對面有車黎
)條線係 高松築港－瓦町區間最密去到8分鐘一班, 來回4分鐘就有車經過,
加上可能唔只一個平交道響聲, 住附近都應該好煩.
旅程只係去左四國北部,
其他四國地方唔知有冇其他版友分享呢.
最後 好多謝你既收看
![[sosad]](https://hkbf.org/images/smilies/icon_sosad.gif "So Sad"){kind=icon}
