本身加價同炒賣兩者都有分別, 例如通常炒賣會貼近二手價, 價錢幾何級數上升, 而加價多數都係隨住時間, 存貨越嚟越少慢慢升價, 好少一步登天
當然所有呢啲加價都無犯法, 唔加係人情, 加係道理, 但你諗下如果80X, 或者NS將所有貨賣比同一個人, 佢都無犯法喎, 但你會覺得咁做好咩?
的確舖頭要賺錢, 但下下拎呢句就完美解釋嘅話, 成個世界失控都似, 如果唔係邊有"牟取暴利"呢啲詞語出現
當然, 我都唔係釘死所有加價行為都係唔啱, 到頭來都係講良心 (雖然呢度同舖頭金錢利益有衝突)
首先, 如果你出車嗰刻秒清, 出面炒到$600, 大家都買唔到等walkin, 舖頭睇正你無其他選擇, 一出walkin要$600甚至更高, 成個過程可能一個星期都無, 咁就無良心 (當然, 你話唔到佢犯法)
反而如果出車嗰刻, 要買嘅都買晒, 大把機會比你原價walkin, 之後過幾年慢慢比人買下買下去咗啲貨, 咁慢慢加價都唔係唔合理 (所以諗諗下80X呢方面都唔係無良心)
第二, 如果你個價跟住二手價幾何級數升, 又只升不跌, 離晒地啲話, 又係無良心 (可能有啲似某深水埗寄賣店)
第三,就係助長出面炒風, 出面齊齊炒, 舖頭又一開walkin就已經高原價一截, 助紂為虐, 如果可以keep住原價一段時間, 可望撳低二手價
舉例好似城巴Facelift咁, 某店一出walkin賣599/639, 緊貼市場價格 (好似領先市價𠻹), 連比你原價walkin機會都無, 咁就有問題啦
咁就要睇舖頭點衡量賺錢同良心, 講真問舖係佢嘅, 佢鍾意點賣就點賣, 佢想盡快散貨大可以好似80X咁賣, 想賺錢又可以walkin貴原價一截
之不過咁做同大財團玩你有咩分別? 玩家會點睇, 自己良心又過唔過意得去, 就決定咗舖頭做法
可能你會覺得有啲矯枉過正, 但其實炒賣呢樣嘢一向都係無計上嚟呻下, 又總會有啲人無乜耐性, 有多啲錢就走去幫襯炒家, 唯一一班能夠同炒家對抗嘅人就係玩家本身, 但又永遠總有啲人搞到做唔到
我諗大家都心灰意冷
![[sosad]](https://hkbf.org/images/smilies/icon_sosad.gif "So Sad"){kind=icon}
![[flowerface]](https://hkbf.org/images/smilies/flower.gif "丁香丹桂茉莉 都覺得可愛")
