話說京商n比例巴士都風光一時，但真係得一時，自從出完aeroace模就潛左水冇玩呢條line。直到舊年係日本百貨公司見倒一間不知名既廠（其實係我唔識日文）用番京商堆模出車，價錢更係驚嚇級數，一部N scale竟然索價超過$150港紙...咁就當然卻步
經過半年時間，竟然係香港發現有鋪頭（傳說中既竹店）以三分一價錢賣，原本以為係甩皮甩骨QC差到無輪，但又發現冇穿冇爛。JR巴士関東將佢某部S'elega油上仿国鉄塗裝，慶祝咩就唔清楚，只係覺得近兩三年日本巴士好鍾意玩復古色，話說回來隻色同S'elega又幾襯。
然後再用Popondetta係網上出左乜東東，基本上頭六架(8201-8206)都係Aeroace，打後就係S'elega定Gala，而咁多部之中，我亦都非常期待可以買倒三款Willer Express
京商巴士鐵模既通病，由於使用合金材質以致車身厚到怪怪地。而popondetta就改善左京商模另一個通病，就係京商出到d有色車窗/車頭路線牌既膠件矇查查，popondetta將車頭路線牌改用印刷方法，而唔係印上膠件，所以「東京駅」三隻字就清晰可見。
當然Popondetta出車量其實偏少，價錢亦係一大阻力，睇黎冇平貨都係一部起兩部止...
