53 若果唔經景峰/富泰, 屏夏路, 可行嗎?
我唔係常客, 但搭過幾次呢d位都唔多客
而改道可以令乘客往返元朗車程縮減

路線:
荃灣至華都原線, 屯公(新墟), 青公(藍地,洪水橋), 水邊圍至元朗東原線

部份受影響乘客或者改搭其他路線
e.g.
深井去富泰 > 53+67M
屏夏路去元朗 > K65
田夏路 (唔熟) > K75+LRT ??

一星期都搭幾次53,下午時段經常性深井已經滿坐.

照觀察,
深井->嶺南大學 一段係比較多買餸客,釣魚客
鄉事委員會->沙洲里村 一段就比較多返工返學,放工放學客(特別係新生村,李屋村)

如果改道的話,相信廈村段都幾比較難單靠K線解決.
何況已經班次已經係疏,再減少客源的話,下一步就應該cut得.

搭得 53 正正就係要去廈村、屏山呢D獨市位

改道頂多慳得一部車，但令唔少客要轉多程車，唔改好過

況且搭得去元朗要快，大部份都搭哂紅頂/68A/614

連富泰/嶺大<>青山灣(或之後至荃灣各站)都要CUT車?
咁同送客俾K51(港鐵,大欖總站前)同紅小(大欖總站前、後)絕無分別
九巴未必肯讓步之餘(當然,留得53就係要做埋青山公路其他線「做唔到」0既0野),
沿線居民、嶺大師生(注意:嶺南雞飯在此代言中~)...等等
都會以「反對港鐵獨市(事實:無53就只剩『半筒水』0既K51[大欖之後無大巴可坐,
紅小貴之餘 - 一出意外:保險公司「玩0野(依章行事0者~)」唔賠/賠少一截...(又係政經0野...)])」為理由
齊聲高呼「九巴還我53行青山公路出荃灣/入元朗」。(話知九巴調入68A行青山公路息眾怒呀...)

53晌新西0既功能同九龍市區0既2、6號類近
坐全程0既乘客除非「牛河」啦,否則一早坐其他車「早到」
通常都係某幾個獨市區之間0既流水客/遊客為主。
叫得53唔行屏廈路、青山公路嶺南、新墟、置樂、三聖、青山灣...各段的話,
同一理由:不如叫九巴「摺埋2號」、「大改6號唔經旺角」算囉。
(的確:改得夠「合理」...運吉0既「合理」卦?!
唔好忘記:地鐵荃灣線一樣都係「繁時爆滿」狀態...
否則2、6晌1990年代起0既「保鐵政策」之下,又係可以「安心上路」0既不二選)

新西人,不論屯門、元朗、天水圍居民,
一提轉車就怕怕...(除非,轉一轉慳到些少車費啦...
不過,呢類慳家乘客數目唔多...)
輕鐵、鐵巴0既系統點轉車法已經「考起」不少新西居民
再搞埋呢個大長流水53的話...
區議會幾分鐘就Ban計畫。(議員:同自己選票作對?!No Way!
另外:荃灣、屯門、元朗三個區議會通過先郁得...
仲有可能只係幾個星期「試驗」之後:失敗而打回原形。)[<-無聊如此,倒不如玩Simutrans好過。]

PS 補充一句:紅小不入廈村、塘坊村、坑尾村。
偏偏近年呢幾條村多0左貨櫃物流場...
返工、放工客逼爆K65只係家常事。
53唔行青山公路虎地段至置樂段的話
只可以講:得益者只係港鐵同紅、綠小
九巴同乘客晌少0左個選擇之下...通通成為輸家。

PS2 正正唔係常客、當地居民先會對「區內線」「指手劃腳」。
常客、當地居民一定對上述「(未考慮清楚就提出0黎0既)亂提議」大力反對。
反正利益方面「唔關__(心照啦)事」,唔上自己身0既就當無事。
(令小弟諗起最近睇返0既一個例子: JR氣仙沼線@3.11東北大地震之後。
JR認為700億日圓重建費「太浪費」
[不過,JR東日本仍然「黑字」有錢賺噃。蝕住經營先係主因。「有蝕本門唔封?!」]
暫時整個BRT(高速巴士行已經改成道路0既前鐵路路段)「頂當」
結果當地居民「嘈到拆天」要求復通上述鐵路...
「社區利益」、「復舊建設,人人有責」、
「點解三陸鐵道(<海女あまちゃん>坐0個條)三年就得,氣仙沼線到而家都仲未得?!」:乜口號都跑出0黎囉。)

以後講返自己熟路、住緊/曾經住過0既幾區0既0野就好。
無謂隨便同其他區0既當地居民「______(自己填上去,反正無好0野)」。
(重點:廈村鄉親抗英0既「七日之戰」-都係一堆誤會而起。
而今次0既辯題就「開正」佢地族人0既「勢力範圍」。
做慣參謀0既小弟,忍唔住叫聲樓主將軍「提防提防」!
趁早乍病,託辭「失心慌」道歉完場、收回建議吧啦。)