點解101X/930A客量強差人意?

由 ck38 » 2017年5月27日 21:54:17 (p#2861679)

呢度「強差人意」係指比預期差好多

當日101X/930A俾人叫開線
相信原因之一係西觀/西荃小巴要等好耐至上到車, 認為有需求
我自己都試過, 等半個鐘都未上到車

依家有地鐵, 就話可以賴有班客保鐵
但其實地鐵未開時, 兩條線都唔係好客

客量強差人意, 原因係咩呢?
因為大家高估左個需求?
因為班次/走線問題?
因為有其他競爭? 小巴客繼續等小巴?

如果加班/改走線, 會唔會有幫助?
例如(以下只係隨意舉例)
101X部份班次, 中環灣仔加停一站, 九龍中跟101行但跳站, 只停山西街,家計會,Mikiki
930A下繁改經葵芳, 跟290去荃灣

由 MAN A51 » 2017年5月28日 08:12:23 (p#2861698)

930A 自下繁改由灣北開，到達西環時間變得不穩定，倒走左不少客，
之後西港島線通車、930X 開辦，又分走部份客

若果 930A 下繁改走線，我寧願佢一班銅鑼灣開跟 967X + 西環，
另一班改由鰂魚涌開，掃到炮台山直去西隧跟 290 去荃灣

試試水溫好過無

由 HF3204 » 2017年5月28日 08:40:55 (p#2861699)

MAN A51 on 2017年5月28日 08:12:23: 若果 930A 下繁改走線，我寧願佢一班銅鑼灣開跟 967X + 西環，
另一班改由鰂魚涌開，掃到炮台山直去西隧跟 290 去荃灣

有銅記就唔好入西環
西環整多條南區西區跟 290 落荃西啦

另一條 930C 諗得過

由 722 » 2017年5月28日 13:12:48 (p#2861714)

930A確實改左灣仔北開之後到西環時間唔穩定倒走左堆西環客,
其實踢返佢去金鐘開都無壞反正而家又有930X果陣...

不過倒客容易儲客好難,
要930A好客返唔易...

101X個問題我覺得有D麻煩,
話佢好好客又唔係唔好客又唔係果種咁囉...

朝早返觀塘其實可以加班不過隔離果架101又唔係少人...

其實而家個個搭地鐵，西荃同西觀都做唔住啦

我講吓101x西環方向有咩問題啦：
1. 紅隧口站位問題，有乜理由跟101停唔跟104停，鹹魚去西環一定係排104，唔通仲慢慢同你搭101塞天橋同灣仔道？101x上得嗰幾個客，喺104嗰邊想追車一定追唔切。。。

2. 上繁加站我無異議，有幾可會有人去西環返工，高樂花園行去上環寫字樓都幾遠吓。。。兩條西觀以前都喺灣仔至上環有得落車，加站無可厚非，但係同上面所講一樣啦，紅隧口死停101站位無意思，101條隊無人上，104條隊上唔到。而家仲飛走紅隧添，你唔係以為觀塘同九龍灣可以打爆架101x呀。。。

但係下繁中環加站我反對，本身行車時間已經飄忽，周不時要用多15-30分鐘，你仲要停皇后像廣場陪塞。。。多此一舉，收工時間邊個會由九龍東搭車去中環呀，唔好黐線啦大佬
得罪講句，提議下繁中環加站一定坐住咗個腦，睇住本地圖plan路線，諗住兜一兜唔會嘥好多時間。。。係呀你係用多10分鐘，
但你唔諗吓自己個時間同地鐵爭幾多，地鐵搭車+行路都係50分鐘內，你巴士公司點解要加個無人落車嘅站削弱自己競爭力？？？

觀塘方向:

3. 有641同路，不過停入境處同演藝甚至政總兜吓客都好嘅
上繁就有保留，本身西區已經坐滿，出直梯車仲要企添，同埋灣仔呢堆站上繁有無人上我就有保留

飛走土瓜灣同九龍城都無咩問題嘅，專心做觀塘九龍灣都夠