唔計頭燈，成個車身設計都幾可愛，個人認為靚過BYD好多。如果頭燈同指揮燈對調應該會無咁怪相。
車尾有窗，尾牌同車窗車身幾協調。
內籠
低入口，好過Youngman要擒上去嘅所謂低地台。
兩個電箱位於左右輪拱上，可能因為車窗大，同埋電箱無到頂，所以感覺開揚過BYD，唔似坐緊囚車。我覺得右輪拱個箱甚至比短Youngman更順眼。
車尾有大窗，兩側車窗都好大，成架車好光猛，好有空間感，呢方面BYD真係輸成條街。
尾排去到車尾，配埋隻大尾窗，喺香港專利巴士來講算係罕見。
之後就去片～～～
呢隻華夏神龍同一般電動巴士唔同，佢喺摩打同尾軸之間設有自動波箱，而唔係一波走天下。
因為呢個設計，華夏神龍唔會好似E50H或者BYD K9R呢啲直接用摩打驅動嘅巴士咁，起步衝勁十足，去到尾段無曬力咁。
華夏神龍加速幾穩定，唔似E50H同BYD K9R推到企都企唔穩。落斜亦都比BYD K9R穩，收到接近停車嗰陣唔會chok。
但係華夏神龍個波箱有個幾特別嘅地方，就係佢喺轉波嘅時候會收一收油，好似自動波珍寶/ZF Astronic Lite半自動波E200 Dart咁，詳情可以睇片。
我就唔知佢個波箱用咗咩技術喇，但係坐落都幾得意，平路同落斜都唔算太chok。
不過一到上斜，1波轉2波時會比較chok，仲會出現好似棍波咁上到2波唔夠力嘅問題，情況可以睇返柴斜嗰條片，
阿公岩道燈位起步，1波上2波之間空檔太長，去到2波嘅時候唔夠力，chok返落1波。
康山斜
柴斜
最後送兩張情境相
Thanks for reading
