至少我都有一架 2000 年買嘅 Razor, 依家已經冇玩好耐,
雖然耐唔耐都會拎出嚟郁下,
但係電動滑板車我相信礙於香港趕唔上時代嘅法例應該冇乜機會玩到,
其實電動滑板車喺外國已經流行左好耐,
不過在下今次呢架係我第一架入嘅電動滑板車,
因為呢款叫 Swagger 嘅滑板車係最新款嘅出品, 大概上年年尾新出,
特別之處係佢嘅電池係收藏喺滑板車嘅龍頭柱入面,
而唔係好似以前果啲咁喺踏板底部,
不過真正最特別嘅地方, 其實就係佢成架車都係用碳纖維製造,
根據官網介紹全車重只有大約 16 磅, 係目前全球最輕嘅電動滑板車,
可以負載 250 磅嘅重量, 以我大約 140 磅嘅體重,
加埋背包頂到盡都未過 150, 對呢架 Swagger 嚟講應該小兒科,
相比起以前一大舊電池擺喺板底嘅電動滑板車, 呢個重量無疑輕好多,
而且仲可以摺得埋易拎同易收藏,
先前喺街已經見過有人踩呢款滑板車喺街上行,
喺 Google 之後揾到呢個 Swagtron 嘅官網:
https://swagtron.com/
呢間公司原來仲有出前年聖誕 Hit 到飛起嘅平衡車, 或者呢度叫嘅 Hoverboard,
不過我試玩過, 我真係玩唔掂呢款神野,
而且初期嘅 Hoverboard 仲爆過多單大鑊,
仲要全面停售同回收添, 連航空公司甚至火車巴士都唔比帶上機 / 上車,
唔知當時出事嘅 Hoverboard, 呢間品牌嘅出品有冇牽涉其中,
不過依家佢出嘅 Hoverboard, 應該唔會有問題,
因為佢地都有 UL Certified 證明安全
講番呢款電動滑板車, 佢原來都有兩種,
我入嘅呢一架 Swagger 係 Pro 嘅版本, 可以行到比較快同遠,
根據官網數字佢嘅 250w 摩打, 最高可以去到 16mph,
最遠可以行到 5-18 咪, 都真係幾遠下,
普通版就可以去到 15mph, 最遠亦可以行到 4-15 咪,
仲有三隻顏色可以揀, 不過 Pro 版本就只有一隻黑色嘅顏色選擇,
佢地仲有 LED 車頭燈, 最啱夜晚行,
如果只係出去附近嘅 Shopping mall 買少少野或者去食野,
又唔想揸車去行果幾咪, 用呢架滑板車做代步其實都唔錯,
我都係睇完呢個之後先至決定入呢架車仔~
https://udn.com/news/story/7087/2497448
Thanks for reading~
