冇錯，我地一直玩緊既所謂巴模其實都只係一架玩具，直到我見到佢，已經唔可以叫佢做模型，根本真車無誤！
講緊既係Ｍ１出既城巴富豪！好多年冇買過城巴既我，今次都頂佢唔順啦，今次一買，就出現左全廠唯一兩架城巴了
城巴 您的真車。獻出你們的膝蓋吧！（跪拜）
首先黎架南區極品
呢個車頭，我相信再戰多十年都唔會有其他廠可以超越！
（想當年創英堆利蘭都已經覺得很好，但拍埋今次呢架到，高下立見）
茶色窗，再加個超精細內籠，仲有真係第一次見，上層車頭橫扶手唔係一支橫鐵就算，真係跟足真車左右兩端彎左去側邊，真係大開眼界
車籠我唔影相啦，平時既模型都會做Ｄ標籤起車內，但真係全部做足既又有幾多款會咁做？呢架神野就話比大家聽，真係做足了
分體式冷氣系統既車尾，原裝分開兩個網真係好睇好多，不過後期都改晒做一幅過既冷凝器風口
車牌位擺左起泵把到，搞到我而家想要埋架４０Ｍ（車牌起車身上既款）
＊嗯，身為一個中巴迷，車身句野真係好諷刺，不過係中巴自己唔爭氣又怪得邊個？
![[sosad]](https://hkbf.org/images/smilies/icon_sosad.gif "So Sad"){kind=icon}
另一架，６９３，正面車頭係毒性最強既角度黎
呢架用透明窗，車籠望得清楚好多，真係望個籠都就黎可以望一晚
其實出左咁多款唔同花臣既奧黏出黎，我呢都係鐘情於舊色高紅線，等左咁耐終於都到佢地出了
另外值得留意既一樣野，呢期既富豪我其實唔太鐘意，原因係上層冷氣槽去唔到第一排位，坐車頭冇得吹住冷氣真係熱到頂唔順，模型完美呈現左呢件事
組合式既冷氣細部得多，重新設計既車尾，尾牌車牌擺位都同之前好唔同，當然啦，呢個尾大家都見左廿年都黎，早已習慣晒
模型車尾唯一既敗北位就係上層尾窗變左做４隻圓角，但整體觀感影響不大，減你0.5分算啦
兩架車，唯一真係有問題既係架架都拉左手掣一樣，尾轆完全啜死，４０９搶修過後行車順暢，但６９３依然唔肯鬆手掣
兩架好似樣既車，往往重點在細節，泊埋一齊就見到分別
車頭，搵埋ＶＡ出黎一齊擺
車尾
終於知道點解架ＶＡ車尾點望都係怪怪地了，除左風口錯，原來尾牌真係過大，對比下就好明顯了
點解篇文要搞到咁夜先貼呢？相信有目光銳利既板友都見到：喂你架６９３谷車頂喎
老實講實物望真係唔多覺，但影出黎又係兩回事，結果影好晒又要拆車大修車頂
原裝情況：
大修後：
原因係上層兩邊窗件既水口都ＣＵＴ得好參差，上層籠裝上時夾硬頂曲窗件，再頂曲車頂
搞掂好多餘既水口，又夾硬「鏈」返低個車頂，裝返好晒Ｄ野，成件事完美呀！
（自己讚自己 
）車頂平返，靚仔晒
＊搞一搞，冇左３小時
ＴＨＸ ＦＯＲ ＲＥＡＤＩＮＧ ．
![[photo]](https://hkbf.org/images/smilies/Photo.gif "傾偈無圖無偈傾")
![[bomb]](https://hkbf.org/images/smilies/Bomb.gif "Bomb")
