君渡巴士服務專營權於2017年初易手，市內巴士服務改由城巴、九巴及龍運經營(詳見此)。當時，君渡市政府和巴士公司曾承諾

會密切觀察巿民對巴士服務的需求，並適時再作調整。

事隔數月，君渡市政府和居民普遍滿意各巴士公司的表現，君渡運輸署遂聯同巴士公司推出2017-18年度君渡巴士路線計劃。方案內容經諮詢各區議會後逐步落實，詳情如下:

開辦第65線 (清林-巴嘉農場)
第65線由清林開出後，經南越谷站、南谷湖公園、君渡隧道、黃埔大廈、諾琳閣、翡翠村和西區職業訓練中心前往巴嘉農場，星期一至五上午繁忙時間往清林方向和下午繁忙時間往巴嘉農場方向將繞經君渡政府總部。星期一至五繁忙時間10分鐘一班，非繁忙時間、星期六和假日全日20分鐘一班。

走線示範: 往巴嘉農場 (經政府總部特別班次)


循環路線更改行車方向
現時部分循環路線走線並不對稱，為切合乘客需求，更改第71、75、76、77、N68和E2線行車方向。

走線示範: 第71線


機場路線大規模重組
1. 龍運巴士第A1線於一號客運大樓後，改經德和邨、珍寶花園、藍瑪台和福和邨前往巴嘉農場。

走線示範: 往巴嘉農場


2. 為配合第A1線更改走線，第E2線除更改市區行車方向外，同時加經西區醫院和又一居，服務受影響乘客。

走線示範:


3. 開辦第NA1線，為西區居民提供往返機場的深宵特快服務 (走線與舊A1線相同)。

4. 城巴第A3線不再繞經南越谷站，總站遷往半山廣場，南區走線與68線相同。同時，第E3線不再繞經整個半山圍，只停半山廣場和紅樂軒，並依69線走線繞經河畔發展區。第A3線星期一至五繁忙時間將單向繞經機場後勤區，期間第E3線將不經半山。

走線示範: 第A3線 (經機場後勤區特別班次) ，留意A3線於半山廣場與P2線共用車坑，A3線用車應泊在車坑右邊，而非片中所示的左邊。


5. 開辦第E3C線，由河畔發展區開出後，經生物科技研究院、河畔購物中心、半山圍、南越谷站、空運貨站和空郵中心前往飛機維修區 (不停君渡隧道收費廣場)，服務於飛機維修區一帶上班的南區居民。星期一至五上午繁忙時間往飛機維修區和下午繁忙時間往河畔發展區各開一班。

走線示範: 往河畔發展區


6. 開辦第N3線，由半山廣場開出後，經半山圍、生物科技研究院、河畔購物中心、南越谷站、華富邨、東區購物中心、巴嘉農場站、機場客運大樓、機場管理局辦事處、機場博覽館(東)、機場地面運輸中心、空運貨站和空郵中心前往飛機維修區，為南區和東區居民提供來往機場和機場後勤區的深宵巴士服務。

走線示範: 往飛機維修區


調整班次
城巴兩條A線和龍運第E2線加密至15分鐘一班；龍運兩條A線和城巴第E3線加密至20分鐘一班；市內大部分路線實施定點班次。

-----官腔mode完畢-----

當初整第一版addon嗰陣，其實純粹諗住整俾自己自私玩，後來整整吓越來越大規模先打包成addon同大家開心share，完全冇諗過會咁受歡迎，成幾百人download
與此同時，部分板友亦提出咗對GG2嘅路線發展建議，成為新版addon A1、A3、E3同E3C嘅藍本，而各條循環線亦恢復番左軚版GG2嘅行車路線，希望可以減少誤會(我自己揸71同77都試過行錯路 )。至於鍾意向高難度挑戰嘅板友，個人建議可以試吓E3C、N3同新E2

除咗開線同改線之外，新版addon亦修正咗大量bugs，而且改用咗OMSI 2新功能Ailist Type 2，優化AI車表現(尤其係貨車AI)。另外亦改咗部分字軌內容，更多字軌加入跳飛機安排(以城巴為主)，個人心水推薦068011同069091呢兩個字軌

新版addon製作已進入最後執漏階段，預計幾日後就可以同大家見面，多謝支持

到時會不會有城巴80xx的電牌呢(現在好像都找不到)

可唔可以整多啲線經山路？宜家得70線有啲孤獨，揸既時候只能夠望撞到對頭車

marco10110 on 2017年9月15日 01:39:17: 到時會不會有城巴80xx的電牌呢(現在好像都找不到)

會，不過只包括機場路線 (效果如影片所示)

FX6774 on 2017年9月15日 04:21:40: 可唔可以整多啲線經山路？宜家得70線有啲孤獨，揸既時候只能夠望撞到對頭車

暫無計劃
個人認為郊野公園路有少少似林錦公路，你可以當自己揸緊64K
如果全程準時嘅話，70應該喺聖約翰座堂、貨櫃碼頭同琵琶山村/藍瑪台見到對頭車，咁啱三者都唔喺郊野公園路，可能咁樣先令你有錯覺，覺得郊野公園路冇巴士行

其實我倒是希望N3行郊野公園路
反正通宵又冇乜客可以飛車咁

PS:我知咁樣設計路線係唔現實 但希望有條超長巴士線路線 兜曬全部區

我想問吓呢個版本入面,城巴83XX會唔會補反所有電牌?

另外有南區居民建議E3C應該增加班次,舒緩E3線龐大客流

西區居民表示對於目前仍未有口岸路線表示不滿。另外有區議員表示應將所有A線全部交城巴營運，因為龍運沒有豪華車

csk428 on 2017年9月15日 10:52:39: 其實我倒是希望N3行郊野公園路
反正通宵又冇乜客可以飛車咁

PS:我知咁樣設計路線係唔現實 但希望有條超長巴士線路線 兜曬全部區

其實而家已經好長，始終好多站，而且幾乎個個站都有人上落，俾一個鐘一單都係勉強行得切，所以要做到唔過鐘已經好有挑戰性(條片其實無過鐘，主要係因為lag機先超過一個鐘頭)
郊野公園路始終需求太細，冇人搭但要所有客陪兜，唔化算
而且巴士公司最驚俾咗條機場N線，就俾人嘈點解冇日間機場線

VA73@2A on 2017年9月15日 14:35:09: 我想問吓呢個版本入面,城巴83XX會唔會補反所有電牌?

你指GX版本?暫時只有65 A3 A4 E1 E3 E3C X69 X70，始終我唔太擅長整電牌，夾硬整曬全部要搞好耐 (而且根本整得唔靚)

VA73@2A on 2017年9月15日 14:35:09: 另外有南區居民建議E3C應該增加班次,舒緩E3線龐大客流

E3絕大部分半山客已經過咗俾A3(雖然而家都多咗河畔發展區嘅新客)，而且A3同E3都各自大幅加班，所以大致上夠載
E3C喺機場區冇一個站同E3一樣，佢主要係搶E1轉鐵嘅客，同E3其實冇乜關係(就好似現實中嘅城巴唔會因爲E22滿瀉而開多幾班E22C)

Alan8522 on 2017年9月15日 15:42:56: 西區居民表示對於目前仍未有口岸路線表示不滿。

西區而家已經好多巴士，你試吓繁時埋西區北部邨個站就知
君渡運輸署曾表示，完善巴士網絡之餘仍需顧及其他道路使用者，喺65同口岸線之間只能二擇其一，區議會最終揀咗前者

Alan8522 on 2017年9月15日 15:42:56: 另外有區議員表示應將所有A線全部交城巴營運，因為龍運沒有豪華車

龍運而家嘅網絡其實已經好細，所以唔太想向佢開刀(畢竟得好少map有得玩龍運，總要顧及龍運fans)
無龍運豪華AI車我都無辦法，你可以自己揸部大快活俾班鹹魚坐嘅

作者會不會考慮整返個量化版的addon出來，以配合無咁高效能的電腦使用，例如班次唔係太密及減少Ai車，期待博覽館特快線往返各區

樓主好認真
但係想問以上既路線會唔會再有聯營線?

hadboy5 on 2017年9月15日 18:18:27: 作者會不會考慮整返個量化版的addon出來，以配合無咁高效能的電腦使用，例如班次唔係太密及減少Ai車，期待博覽館特快線往返各區

唔會
其實繁時以外都唔算lag機，怕lag機嘅話可以揀非繁嚟玩
另外今次冇整到博覽館散場線

omggod on 2017年9月15日 23:00:11: 樓主好認真
但係想問以上既路線會唔會再有聯營線?

65係唯一一條新聯營線，而九巴嘅65線掛牌車其實已經喺部分影片入面出現咗，有興趣嘅不妨細心留意吓

722中環特快 on 2017年9月15日 23:27:09:

hadboy5 on 2017年9月15日 18:18:27: 作者會不會考慮整返個量化版的addon出來，以配合無咁高效能的電腦使用，例如班次唔係太密及減少Ai車，期待博覽館特快線往返各區

唔會
其實繁時以外都唔算lag機，怕lag機嘅話可以揀非繁嚟玩
另外今次冇整到博覽館散場線

假若非繁有X69同X70的話好啦,期待發展散場線

722中環特快 on 2017年9月15日 07:59:00:

FX6774 on 2017年9月15日 04:21:40: 可唔可以整多啲線經山路？宜家得70線有啲孤獨，揸既時候只能夠望撞到對頭車

暫無計劃
個人認為郊野公園路有少少似林錦公路，你可以當自己揸緊64K
如果全程準時嘅話，70應該喺聖約翰座堂、貨櫃碼頭同琵琶山村/藍瑪台見到對頭車，咁啱三者都唔喺郊野公園路，可能咁樣先令你有錯覺，覺得郊野公園路冇巴士行

郊野公路路有條路線建議
巴嘉農場* > 又一居 > 西區醫院 > 天寧村 > 翡翠村 >北區工業中心 > 華富 > 隧道 > 郊野公園路 > 南越谷站 > 嘉御山 > 半山廣場
可以令又一居 , 翡翠村 , 北區工業中心一帶有隧道線
亦為郊野公園路提供隧道線轉乘
為左減少行車時間/長度 半山圍一帶只經嘉御山一邊

*有諗過縮去西區醫院北 不過就無得經又一居(渣車可以睇個靚海皮)

會唔會將君巴站牌同巴士站上蓋分別改返做九巴/城巴款式？

其實樓主有冇諗過將一D城巴線轉做新巴營運
等我地嘅新巴車唔洗成日潛水