香港巴士論壇

相信各位板務人員同會員都會留意到呢一兩個月出現咗好多新會員喺論壇不停貼出無意義、簡短、甚至可以形容為無建設性嘅文章，此類文章嘅出現可謂對論壇非常無益，亦都為各位本來已經好忙嘅板務人員帶來更多工作量。

就此，我建議壇方應該修改部分對新會員嘅限制同壇規，例如：
第一、增加新會員成為會員的門檻：
例如將現時門檻的發文量 20 增加至 50。
第二、加強板務人員對新會員文章的審查：
喺我係新會員嘅年代（四年前），新會員出 post 係要經過板務人員嘅審查，如果宜家係無咗呢個步驟的話，壇方應該加回，避免論壇水浸，但若然呢個步驟仍然存在，咁近來論壇水位上升事件就真係令人滿頭問號。

同時，就近來論壇數次發生檢舉因超過 28 日時限而無法處理的時間，我認為壇方應考慮延長有關時限，或招聘更多板務人員以解決問題。

希望壇方會考慮以上建議，亦歡迎各位討論。

老老實實，即係唔好講灌水唔灌水，
其實而家 BF 人流真係同以前差得好遠，
舊有會員做哂 CD-Rom，又再 set 高門檻阻止新會員加入，
我諗再過多兩年 BF 都應該係咁先 ……

其實我覺得吸高質素會員係重要，
但係同樣地，如何重新定位 BF 甚至整個「復興 BF 計劃」都好重要 ……

即係你嘅建議係"加強本來已經好忙嘅板務人員對新會員文章的審查"?

12532 on 2018年1月15日 12:11:46:即係你嘅建議係"加強本來已經好忙嘅板務人員對新會員文章的審查"?

即是咁，我唔知宜家論壇點運作啦，但其實喺論壇不時都可以見到新會員嘅文章有違版規嘅情況下，加強審查係有必要；喺加強審查嘅同時，需要處理嘅檢舉數量亦會減少。當然，針對版務人員太忙呢件事，正如我在 #1 所講，可以通過招聘更多版務人員去解決。

開番個新會員審查委員會，由板務加會員一齊做又得唔得呢？

B10M．PZ8904 on 2018年1月15日 23:37:06:

12532 on 2018年1月15日 12:11:46:即係你嘅建議係"加強本來已經好忙嘅板務人員對新會員文章的審查"?

即是咁，我唔知宜家論壇點運作啦，但其實喺論壇不時都可以見到新會員嘅文章有違版規嘅情況下，加強審查係有必要；喺加強審查嘅同時，需要處理嘅檢舉數量亦會減少。當然，針對版務人員太忙呢件事，正如我在 #1 所講，可以通過招聘更多版務人員去解決。

如果新會然文章要經版主審核，當然可以方便各區版主集中管理，但係同時會令到新會然好無癮，無動力去出啲更好嘅post。依家我哋有個別版主不時潛水，唔少檢舉攤喺道幾個月甚至半年都無人處理，試諗吓如果佢哋開post，你估吓要幾耐先至有人批？開完post要等幾個月先浮面，唔會有新會然想開post啦。

其實有唔少新會然都熱心參與討論同埋OMSI製作，而我哋論壇喺各個社交媒體同軟件崛起之後，人流同埋貼文都大減，難得有新成員想加入我哋，點解仲要重重設限阻止佢哋融入我哋呢？新會然灌水嘅情況都唔算太嚴重，人人都做過新會然，點都出過廢文或者灌過水；近一年來都見過幾個四位數字編號嘅會然灌水，灌水亦都唔係新會然嘅專利，點解要針對佢哋呢？

我認為現行版規已經有效阻止新會然出灌水，經過注意、警告同凍結呢三個階段嘅懲罰後，我諗各位新會然都拿捏到咩係灌水同短小回應。依家嘅問題係個別版面嘅版主不時潛水，有檢舉都唔處理。其實大家年紀越來越大，無時間上forum甚至對巴士失去興趣都唔出奇，我覺得壇方可以定期檢視版主同各版面嘅工作情況，睇吓會唔會有檢舉無人理，可以安排啲比較活躍嘅版主睇多幾塊版，咁樣已經可以減少會然違規嘅情況。

我都覺得如果新會員post之前全部都要審查，會好大工程同埋會絕對減少新會員出post。

不如加強宣傳及預防方面？
例如新會員出頭幾個post前，有個pop up（或其它簡單方法）提醒佢哋唔好灌水以及簡單示範灌水嘅例子。
同埋建議佢哋用 讚好功能 代替 一句"thanks for sharing"

kelvin1324 on 2018年1月28日 20:58:06:我都覺得如果新會員post之前全部都要審查，會好大工程同埋會絕對減少新會員出post。

不如加強宣傳及預防方面？
例如新會員出頭幾個post前，有個pop up（或其它簡單方法）提醒佢哋唔好灌水以及簡單示範灌水嘅例子。
同埋建議佢哋用 讚好功能 代替 一句"thanks for sharing"

我都同意如果所有新會員既 post 要先審查似乎唔太 work
對於一啲討論性既文章，如果佢地既 post 喺過咗三四日之後先獲批，三四日內可能已經有幾個其他會員回應咗，咁佢地既回應就會甩晒 beat

而 thx for sharing 應該係唔同論壇既風氣問題，有部份論壇的確係需要會員咁樣去回應先攞到檔案，所以佢地可能以為呢個 forum 都有同樣既方式
不過我反而覺得 thx for sharing 呢個問題又好似唔太嚴重，而更多係喺其他版區有啲類似 message 或者 fb 式既回應，例如係「佢都啱啊」、「架車都幾靚」、「哇真係好少見」呢啲，可能同宜家一啲 social networking 既 fanpage 活躍程度越嚟越高有關