(麻帆良市時報記者高坂 穂乃果報導)
踏入 2016 年, 龍運巴士營運初期引入嘅機場巴士已屆法定退役之齡,
龍運喺引入新巴士以替換舊車之時, 亦銳意革新其企業形象。
而新車嘅選取方面, 雖然依然係目前香港巴士市場普遍採用,
由 Alexander Dennis (ADL) 生產嘅 Enviro500 MMC "Facelift" 版雙層巴士,
但係新車唔只換上全新嘅車身色彩,
車廂更配備多項以往龍運車隊前所未見嘅嶄新設備
㤡如 USB 充電插座、椅背雜誌網袋、車廂天花落車鐘、
巴士預計到站時間顯示屏、低透光度車窗等，
內飾亦改以灰色、卡其色同橙色配搭。
新車於喺 2016 年 6 月首航 A43 同 A43P 線之際,
龍運亦於同日全面更換制服設計,
車長制服由以往嘅白恤衫改為剪裁貼近九巴制服，
並以深灰色配橙色為主調嘅上衣,
龍運同時亦起用模仿九巴嘅全新標誌,
以增強兩間姊妹公司形象識別嘅連貫性。
今日, 麻帆良市正式歡迎龍運 ADL Enviro500 MMC "Facelift" 版雙層巴士登場!!
今日到埗嘅呢架 UD 263, 車隊編號 5503 嘅 Enviro500 MMC "Facelift 12m 巴士,
就係龍運換上全新車身色彩嘅新巴士嘅其中之一, 市長 Super Bus 話,
雖然龍運巴士革新形象係好事,
但係當佢第一眼見到架新巴士成個好似 "抽油煙機" 嘅車身塗裝,
覺得有一種 "說不出的怪", 始終唔及舊款嘅橙白配飛機圖案嘅
"通天巴士 AIRBUS" 拉花來得咁好睇,
但係過多一段時間再睇多幾眼, 又覺得隻拉花其實都唔係咁差,
不過亦正因為呢批新巴士嘅 "抽油煙機" 拉花,
加上 Super Bus 最鍾意以龍運巴士嘅英文名字 "Long Win"
取其意譯而戲稱為 "長勝", 因而將呢批新巴士戲稱為 "長勝牌流動抽油煙機",
名字雖長但係不失令人會意一笑嘅綽號。
早前原本推出行 A32 往葵涌邨嘅 5520, 本來 Super Bus 都諗住入,
但係又係因為佢嘅優柔寡斷累事, 網上店竟然推出左只係唔夠一兩日就已經極速清貨,
仲要已經係 For oversea only!! 想考慮都冇得再考慮。
難得今次出第二架 A37, Super Bus 話其實乜野路線佢都冇乜所謂,
反正都係同一款車冇乜分別, 佢都係諗住入一架咁大把,
Super Bus 仲話, 龍運最新一批 12.8m 嘅 Enviro500 MMC "Facelift" 版雙層巴士,
配上 "改良版" 嘅車身塗裝, 比 "抽油煙機" 拉花更好睇,
希望喺不久嘅日子, 有機會推出模型,
到時佢一定會鼎力支持咁話!
隆重歡迎! 龍運 ADL Enviro500 MMC "Facelift" 版雙層巴士, 5503, 見參!!
同地鐵 "白頭" 列車今日一齊到埗,
見另文: t717541.htm
第一次開巴模膠盒遇到粒咁難拆嘅螺絲, 好彩至少都保住個底座,
車亦都冇事...
證書編號 0669, 限量 1100 架
正式落地!! 小惠惠又嚟迎接新車啦~~
KMB x LWB
Old meet new...
新時代嘅來臨, 代表住一個時代嘅過去...
本文主角
And......
(にパ子) 大家好, 我係にパ子, 由今日開始我就係車廠嘅新技師啦~~
(初音) 乜妳呢個 Cut 鉗娘都識 Tune 車嘅咩...?
Thanks for reading~
