香港巴士論壇

其實W3算唔算喺70翻版呢,一樣都係由上水去佐敦果個爛臭高鐵站
上水去大陸搭東鐵咪得
點解要搞條W3出黎
方便某些人士放工/返學?

論壇板務訊息

【警告】#44248　#CancerKid p2893182.htm#p2893182 " 【論壇通用規則】 14.6 不得向任何人士、團體、事物作出沒有合理理據的批評、不禮貌之評論、言語上之為難或發出帶有歧視性質之信息 違例者最高處分：每篇違規文章凍結戶口 60 天；有關第 14.6 條處分額度之限制參見〈處分、上訴及投訴板務人員〉第 1.3(e) 條 " 感謝　閣下在本論壇發表文章，唯請留意以上規則，謝謝合作！ 如有疑問，歡迎與當值板務人員聯繫、在板務討論分板提出或電郵本壇。

起碼人地都叫做點對點特快
70兜到傻呀

唔應該用70黎同W3比較，W3主打特快出西九龍站，70係條普通巴士線，而且勁兜

FYI 前幾日高鐵往中國嘅車票銷情幾理想，要貼「站長提提你」提人改乘東西鐵過境
咁嘅情況下我相信亦有帶動 W3 乘客量

利申：琴日坐完 W3，覺得入大埔只停廣福邨有啲不智
附加資料：琴日搭 44 分鐘到上落客站，根據港鐵資料搭東西鐵要 46 分鐘

CancerKid on 2018年10月7日 16:17:21:其實W3算唔算喺70翻版呢,一樣都係由上水去佐敦果個爛臭高鐵站
上水去大陸搭東鐵咪得
點解要搞條W3出黎
方便某些人士放工/返學?

人地條線係方便d人一程車到高鐵站
唔使d人要駁車去關口過關再駁車又上上落落去大陸個高鐵站
(有幾多人用就另話)

如果你認為W3好有問題, 咁其實A12係咪都唔應該開呢?
由小西灣碌到北角仲要兜水街, 搭東廊線去中環轉A11咪得囉

兩條線根本就係唔同性質, 㸃可以拎嚟相提並論!?

本文章評分: +1

 

評分:

會員	時間	評分	評語
FB5764 X 86K	2018年10月13日 15:34:50	+1

ck38 on 2018年10月7日 23:51:08:人地條線係方便d人一程車到高鐵站
唔使d人要駁車去關口過關再駁車又上上落落去大陸個高鐵站
(有幾多人用就另話)

如果你認為W3好有問題, 咁其實A12係咪都唔應該開呢?
由小西灣碌到北角仲要兜水街, 搭東廊線去中環轉A11咪得囉

但係感覺上 W 線都係用作駁車去高鐵站，如果唔係 W3 就唔會特登兜入廣福邨停一停

少少 OT ：我宜家覺得 A12 兜水街真係幾有問題
不過朝早冇 A12 相信水街會有更多人上唔到車入機場

2條線差咁遠又點可以相提並論
唔可以話停沙田、大埔又停上水嘅就係翻版70架wor....
咁215X都停藍田觀塘，夠唔會係翻版W2啦。

W3 表面上係一條接駁高鐵專線，但實際功能又點只咁少？

1. 【沙田←→大埔←→北區】三區之間特快往來

一直以來，正常來往【沙田←→大埔←→北區】呢三區主要只依靠火車（東鐵綫），巴士嚟講只有又疏又慢的 73/73A，
等咗咁耐，終於因為高鐵開通而得到呢條特快線！唔駛再得一個選擇（即係無得選擇）

2. 以上三區特快出市區

另外，本人亦觀察到一般市民（識搭之人）（估計係由尖沙咀／紅磡嗰邊過嚟）會到柯士甸站轉乘 W3，特快返以上三區。
萬一東鐵綫又有咩大鑊事故的話，相信呢條線將會發揮無比功效！！
就算平時無事無幹，以上三區啲人都可以有特快車出市區，唔駛一定焗搭鐵路。

相信搭呢條線的「非高鐵客」都佔一定比例！

完全唔同
70係一條兜 粉嶺 聯和墟 和合石 林村 太和 大埔墟 大埔 馬料水 中文大學 沙田 大圍 九龍塘 九龍城 旺角東 油麻地 最後先到佐敦
而w3快好多亦都唔兜咁多地方

w3快好多

一條係特快 一條係流水線，一條經山 一條行公路
服務對象差咁遠冇得攞黎比架喎

兩條線嘅目標客群都唔同
點解會攞埋一齊嚟講

宜家下繁 W3 已經都唔少人了
之前平日傍晚北行過青沙都接近坐滿晒窗口位，沙田都會再上幾個
不過就有唔少人喺大埔就落咗

差好遠, 70 係接近流水款, W3係超特快款....