其實我唔知應該放邊區，所以放住依區先。

以下文章係指某位駕駛嶼巴38號司機，外貌特徵描述 ( 以下內容 No Offense，單純想講佢係咩樣 )：佢唔出聲我以為係一位細細粒既女仔，佢一出聲我先知原來係一位男士。簡單黎講，中出羊子冬菇頭Version。

咁入正題啦，事源平時都有搭佢揸38既班次既。唯一印象係，好快，好鬼快，同埋某程度上係有 D 亂咁黎，因為有一兩次佢太快到上駁。

琴日(17/10/2018) 搭嶼巴37號15:40由逸東開去迎東既班次，咁岩搭中上面描述果位司機。咁佢揸車都係一如以往既快啦，然後係東涌站巴士總站，有個乘客上左車

(框住果度係我聽另一位 Witness 講既，因為我坐後面聽唔到) 「個乘客問個司機去邊啦，然後個司機就話去迎東啦，個乘客就話搭錯車啦，但乘客問個司機係好好態度」

然後個司機就好大聲咁話，想點姐，我停係路中心俾你落囉，然後個司機好燥低咁拍左一下軚盤，就低左架車係中電果個位。

然後個司機就報警，但當時我地全部乘客都唔知發生咩事，就有 D 鼓譟啦，有一個乘客就以正常(冇燥低) 既態度就問個司機發生咩事，個司機就話報警呀報警呀，完全冇交待過發生咩事。有個乘客就爆粗咁鬧個司機，雙方對罵，而有另一個乘客控制住果位乘客情緒，叫佢冷靜 D， 更有一位外藉乘客用身阻止佢行近個司機，控制場面。相反，個司機拎相機對住我地 D 乘客，並且對罵對方，而依個場面直至警察黎到。

直到警察黎到落口供，有 D 乘客就講返頭先發生咩事，而大多數乘客都話個司機有問題，冇交待發生咩事就停低左架車係度，亦一開始都冇同乘客講因咩事停車，只係講報警呀。另一方面亦都話司機控制情緒有問題，因為人地只係正常咁問路，但司機就唔耐煩燥低，而當時佢既情緒係完全失控，實在唔應該係做一個司機應有既 EQ水平。

而我地全車乘客最後過車去37M去迎東，有不少乘客表示會向嶼巴投訴。

而第二日(即係今日) ，我見到個司機仲係揸緊38。

而我個人認到，做司機應該有基本既 EQ，因為個乘客唔識路問路(重點係態度冇問題)，而個司機唔耐煩燥低，更係揸緊車既時候大力拍軚盤發泄，我認為依 D 態度相當有問題，實在係好似之前大埔872果位車長既問題，又係 EQ 低，又係揸得好快(Even 平時都係)。

因此，我想問下，如何可以令到嶼巴果邊知道問題既嚴重性，因為其實我位同行朋友都同嶼巴投訴左，而且果時都報左警我相信嶼巴一定知依樣野，同埋乘客都有個警察講個司機好有問題。

嘩 咁嘅事都有 好彩我搭幾次38 凌晨都搭過不過啲司機都正正常常無乜野 遇着呢啲司機就得人驚 有咩事攬炒

我覺得個司機心態有問題，問路都要搞到報警咁嚴重.......
揸車咁燥底爲咩呢?

舊時住逸東, 38 有幾個假日先見到嘅司機仲惡過站頭呀叔