香港巴士論壇

繁忙時間加班與否與載客量有關，就算運輸署俾加，巴士公司覺得唔算太滿都會照收車，
而問題是巴士公司當然想班班企到頂閘，乘客當然想尾站/轉車站都有位坐先上，要企不如企鐵仲快，
結果朝朝轉車站都企到爆，乘客當然想等架有位的巴士，巴士公司當然想賺到盡，拆位加企位都可見一斑。
似乎這現象都沒有辦法解決，更隨著每日百多人增加更為嚴重，而運輸署同巴士公司高層都唔係點搭巴士都唔會理⋯

benben on 2018年10月30日 08:04:34:繁忙時間加班與否與載客量有關，就算運輸署俾加，巴士公司覺得唔算太滿都會照收車，

偏偏收車與否唔係視乎客量而定，真正收車主因係往往都有缺勤甚至本身搵唔到人返，而巴士公司係得八個蓋嘅情況唯有盡量收啲影響冇咁大同明顯嘅路線。

benben on 2018年10月30日 08:04:34:巴士公司當然想賺到盡，拆位加企位都可見一斑。

既然冇可能開到多幾班車，唯有調整車廂空間追返以前嘅載客量，正如當年 2+2 富豪下層有水塘咁，早係幾年前巴士公司已經靠調整行距黎試圖提高載客量

benben on 2018年10月30日 08:04:34:似乎這現象都沒有辦法解決，更隨著每日百多人增加更為嚴重，而運輸署同巴士公司高層都唔係點搭巴士都唔會理⋯

呢個命題的確暫時都冇咩可行解決方法咩，就算加人工都好勞動人口都有限，係社會風氣下鼓吹相對高等嘅工作下好難吸引到年輕人去做

我認為係視乎營運者取態
缺人當然係問題
但作為商業機構, 盈利行先, 即使夠人返, 佢都可以為左賺到盡而收車/減班
我認為同人口增加沒有絕對關係

ck38 on 2018年10月30日 23:43:42:但作為商業機構, 盈利行先, 即使夠人返, 佢都可以為左賺到盡而收車/減班

真係有人有車剩好大機會叫你開 P 車，反正人就返咗工都係要出糧，倒不如盡力保住低脫班率
若果客量太差完全回唔到本減班亦都好正常，無論係咪商業機構都會想盡量推高整體營運效率
係資源有限嘅命題下唯有將效率未如理想嘅資源調撥去有短缺嘅地方解決問題