週六下午用，16:00淺水灣走，16:50到上水廣場，點搭好？

的士
就算唔洗等車 260>978 都好大機會唔可以係樓主要求嘅時間到達上水
973>978 情況應該更加唔樂觀

如果根據google，普通駕駛都要58分鐘，所以就算搭的士都有機會未能準時到。

我諗的士都未必做到

tomtch on 2018年11月14日 13:43:12: 如果根據google，普通駕駛都要58分鐘，所以就算搭的士都有機會未能準時到。

參考樓主隔離post要求一定會揀行西隧，果個時間行香隧告示打道應該唔會太塞，應該大概行 20-25 分鐘到西隧
西隧去上水行青沙大概 34 公里，若果均速有 80km/h 嘅話 25 分鐘行得完

Google Map 個時間其實計得比較保守同埋考慮埋交通情況，我就覺得 50 分鐘係比較難不過唔係唔可能，如果真係冇得提早/延遲嘅話建議 call 定的士同埋上車時睇定路況決定點行

最後結果：

我預早將我部「私人交通工具」塞紅隧揸咗過淺水灣先（正常唔會咁做，因為明知紅隧一定塞車，重要揸條九曲十三彎嘅司徒拔道同淺水灣道，根本就係貼錢買難受，習慣上都係搭地鐵南港島線過去駁車）。

最後喺淺水灣走嗰陣係15:55，一睇Google香隧塞到__，Google叫行薄扶林青沙最快，海洋公園塊牌話香隧間封。之後全程下下大油（起碼俾平時低一個波），一上吐露港公路之後更加開到極速（我出部車根本就唔係打算咁用嘅，只係打算用來行林錦同荃錦為主嘅，所以CC極低，極速得100），結果燒咗半缸油，16:50先到上水。然後即刻熄車趕過比賽起點，喺夠鐘出發前2分鐘去到。