九廣通 on 2019年1月19日 00:18:44: 你兩程978 之間係咪有多過九次交易？如果係既，正常係收全額

Ref: 優惠條款5:：隱藏內容，按一下這裏顯示

如乘客於去程與回程之間，以同一張八達通卡進行任何超過 9 項交易 ( 包括但不限於 : 乘車、購物、增值、停車場出入記錄等 ) ，則不可享有即日回程折扣優惠。

善用轉乘優惠個個，你可以象徵式搭一個站既
況且乘客守則冇講過唔可以上完車即刻落車ga wor

印象中應該冇過 9 次咁多，因為呢個搭法都試過兩三次，中間最多都係一程港鐵、一次食飯、一次 7-11 買野咁，應該點都加唔到 9 次
所以先懷疑會唔會唔同分段區就唔可以有學生回程半價優惠（以前即日回程八折係可以的）
以前大概望過吓佢啲細則又搵唔係好到有提呢一樣野

轉乘優惠果邊，雖然 278K 273B 等都有呢個情況，不過我相信冇人真係會專登去上車拍卡又再落車咁樣
但係 273 轉 273A 都係會減 $4.2，如果係牽晴間翻彩園，而等車真係嚟架 273 先既話又真係唔介意搭去華明再等翻班 273A 嚟
（雖然只係講緊 $3.6 vs $4.3，冇上面講雙向分段果啲咁大分別 ）

LE8869 on 2019年1月19日 00:38:35:

九廣通 on 2019年1月19日 00:18:44: 你兩程978 之間係咪有多過九次交易？如果係既，正常係收全額

Ref: 優惠條款5:：隱藏內容，按一下這裏顯示

如乘客於去程與回程之間，以同一張八達通卡進行任何超過 9 項交易 ( 包括但不限於 : 乘車、購物、增值、停車場出入記錄等 ) ，則不可享有即日回程折扣優惠。

善用轉乘優惠個個，你可以象徵式搭一個站既
況且乘客守則冇講過唔可以上完車即刻落車ga wor

印象中應該冇過 9 次咁多，因為呢個搭法都試過兩三次，中間最多都係一程港鐵、一次食飯、一次 7-11 買野咁，應該點都加唔到 9 次
所以先懷疑會唔會唔同分段區就唔可以有學生回程半價優惠（以前即日回程八折係可以的）
以前大概望過吓佢啲細則又搵唔係好到有提呢一樣野

轉乘優惠果邊，雖然 278K 273B 等都有呢個情況，不過我相信冇人真係會專登去上車拍卡又再落車咁樣
但係 273 轉 273A 都係會減 $4.2，如果係牽晴間翻彩園，而等車真係嚟架 273 先既話又真係唔介意搭去華明再等翻班 273A 嚟
（雖然只係講緊 $3.6 vs $4.3，冇上面講雙向分段果啲咁大分別 ）

睇返九巴學生八達通$12以上長途路綫即日回程半價優惠單張，唔見有咁寫wor
反而我懷疑係咪出上環個程 978 八達通機方向有誤，建議你都係打返上九巴熱綫/Apps 1933 即時通信功能問會好D

12532";p=2898777]
我唔知落車拍卡有回贈, 所以唔拍, 犯咩法?
就算我知道落車拍卡有回贈, 我鍾意俾多啲錢巴士公司賺, 犯咩法?
唔通我入銀多過應付車資又犯法?

你都係指出唔到呢個行為違反邊條法例

板友似乎將專登呃優惠同埋唔覺意攞優惠兩種情況混為一談，從而得出呢個做法唔違法嘅一刀切定論，恕小弟唔同意 (利申: 唔太清楚八仔機嘅運作，以下半桶水見解全部建基於同一部車嘅八仔機喺下一轉車仲有雙向分段收費，同埋轉乘時限未過呢兩個假設)

假設某日廠長APM1全日行W3兼且無壞車，而當日有以下三位乘客:
1. 師奶A入沙田飲茶搭中廠長，落車嗰陣因為趕時間直接喺中門落，放棄同其他乘客排隊喺前門拍卡，飲完茶返上水咁啱又坐中廠長，結果上車攞咗雙向分段優惠
2. 巴迷B坐廠長入沙田影車，落車嗰陣為咗影相而唔記得拍卡。佢影完車又想再坐廠長，所以專登等廠長下轉入上水再上，上車嗰陣同樣攞咗雙向分段優惠
3. 大叔C由西九入上水，為咗攞優惠，去到沙田專登唔拍卡就落車並記低廠長車牌，喺沙田等到廠長下轉車先再上，所以攞到雙向分段優惠

咁究竟以上三位有無犯法呢? 法例就咁講:

香港法例第210章《盜竊罪條例》18C.不付款而離去 :(1) 除第(3)款另有規定外，任何人明知須為任何已供應的貨品或已提供的服務即場付款，或明知被預期須為該等貨品或服務即場付款，而不誠實地離去，並無如所須般或被預期般付款，意圖逃避支付應付的款項，即屬犯罪，循公訴程序定罪後，可處監禁3年。
(2) 就本條而言，即場付款 (payment on the spot)包括在收取已予施工或提供服務的貨品時的付款。

換句話講，如果有乘客「明知」沙田上W3入上水要俾$8.4，但「無如所須」咁俾錢，反而利用漏洞攞雙向分段優惠，就有可能觸犯咗以上嘅第(1)條

以上嘅三位乘客之中，A明顯無意圖呃優惠，所以應該無犯法；而C係專登呃優惠，所以最有可能犯法。至於B，如果佢係一心為咗遊河先等廠長，而完全無考慮過雙向分段優惠嘅問題，應該就唔算犯法；但如果佢喺決定再坐廠長嗰陣有諗過攞雙向分段優惠，即使呢個優惠唔係佢再坐廠長嘅主因，但只要構成佢動機嘅一部分，佢都有可能犯咗法

另一方面，如果佢哋上車嗰陣，carlo發現八仔拍卡嘅聲有古怪而要求佢哋補付車資，但係佢哋全部都拒絕，佢哋全部都有機會變成「明知故犯」而犯法

至於可唔可以將以上做法歸類為「避票」而合法化，我唔敢肯定，但以我嘅理解，「避票」係 (一般情況下) 一程直車平過兩程車嘅例外情況，乘客嘅總車資雖然少咗，但兩程車都各自俾足車費，當然就唔算犯法。但係喺搭兩程車攞雙向分段優惠呢個case，第二程車並唔符合攞雙向分段優惠嘅條件，照道理係要俾返相應嘅分段車費，呢個做法可以話係唔誠實咁避免俾第二程車費 (兼且呃多2019年1月18日 23:17:46.8嘅回水)，個人認為仍然可以算係違法嘅「逃票」

當然，實際上就算真係走去呃優惠，俾人拉/告嘅機會都非常低，控方舉證亦有一定難度，但即使可以避免刑責，原則上仍然係違法行為，所以唔鼓勵大家咁做

[quote="KE7066.LokFu on 2019年1月18日 23:17:46: 搭單問唔覺意買咗因航一折飛係咪犯法，好似都係同逃票冇乜分別