MLR 今年會開始退役，襯仲未退役要影多D相。好好珍惜MLR 喺東鐵服務嘅日子

一定唔會懷念佢令人流汗嘅冷氣同又噪又震嘅車相。當年放學日日都要搭東鐵,一見到佢我就火都來埋-有時得閒啲都會等下一轉車並希望係架SP1900。講起又噪又震嘅列車- 希望地鐵啲M train 都早日離開，冇再虐待市民!

真心烏蠅頭真係唔好坐，樓底又低，車又震，重要加速度慢過sp1900一大截

我明白嘅，雖然烏蠅頭真心唔好坐，以前我細過搭火車一定要等到SP1900先上車，但始終烏蠅頭由細見到大，日日都撘火車返學放學都坐到佢，見佢今年年尾會開始退役，我有D唔捨得。

衰極起碼唔會有臭膠味同生銹凳

其實烏蠅頭First Class比普通等好坐，我都係Like烏蠅多啲

OT
例牌講MLR就一堆人講千九好過MLR好多咁
數起上嚟唔好得幾多

可能因為由細坐到大既關係,要坐MLR先有坐火車既風味 坐SP1900係感覺唔到...

不過始終隻車最初設計係近郊形,設計壽命得30年左右 (時期相若既地鐵白頭/M-Train係40年)
翻新做MLR後,結構和機件負荷比以前大咗 (這亦都係好多年前車底組件出現裂紋的原因)
行到今時今日已經係超額完成,畢竟隻車一開始係無預到會做通勤服務...

AustinLeungCK on 2019年3月6日 15:12:51: 真心烏蠅頭真係唔好坐，樓底又低，車又震，重要加速度慢過sp1900一大截

咁始終九鐵搞緊電氣化嗰陣,成條九廣鐵路(英段)都仲係近郊線路,故買既車亦都係近郊型列車,加速度低
當時無預料到鐵路沿線會因發展新市鎮而迅速發展

由細到大我都係返大陸先有機會搭東鐵，以企位居多，最有印象當然係冷氣夠凍幾舒服，且每次列車經過路軌接駁位時啲聲幾特別

作為市區人以前一直覺得東鐵好陌生
第一次搭MLR覺得個感覺好神奇, 比起地鐵永遠搭東鐵都有嗰種新鮮感
亦都係因為MLR而令到我對鐵路有興趣

亦都覺得千九雖然先進, 但係覺得MLR先係東鐵嘅本體
真係要把握機會搭多啲,等到佢冇咗先嚟後悔太遲:(

除咗送殯同戀殖情懷
真心仲有邊個會覺得 MLR 嘈、震、慢、就嚟散、燒迫力係萌點
頭等好坐嘅 成個硬件可以複製
日車 四方 Q車 R車都可以有一樣乘坐感

唔畀人鍾意吊掛車架咩

外地嘅鐵路迷就好鬼鐘意呢啲吊掛車
一嚟吊掛嘅齒輪聲好鬼過隱二嚟外地都冇曬咁滯
不過個個人喜好都唔同

MLR又點樣同千九比呢，兩款唔同世代唔同種類嘅車
一款係近郊尺寸嘅通勤車
一款係近郊車
無論起性能、設計、結構上，兩款車都唔同種類根本冇得比
千九起舒適度同性能上贏過MLR係合理而且係應該要好過佢
同埋本身MLR都唔係預有咁多人企，所以好多設計上都冇預咁多
MLR行上嚟係比千九搖都係合理

雖然你問我鐘意咩車，我有得揀都會揀千九，
但係MLR先係東鐵嘅代表車，同埋佢係代表一段鐵路發展嘅歷史，不論科技定係香港歷史上面都有佢嘅地位
係有啲可惜，但係冇辦法，車一定要換，超額完成已經係好好運

細細個最唔想搭到嘅車款
但係到而家反而覺得千九冇咗東鐵嘅獨特性
而家暫停咗測試新訊號系統
應該可以令批車留耐啲

HangHau_HongShing on 2019年4月5日 21:33:04: 細細個最唔想搭到嘅車款
但係到而家反而覺得千九冇咗東鐵嘅獨特性
而家暫停咗測試新訊號系統
應該可以令批車留耐啲

我估MLR可能都會喺今年開始退役 ，雖然話暫停測試新訊號系統，但東鐵嘅信號系統同地鐵嘅信號系統係唔同公司嘅出品，東鐵係Siemens，而地鐵係Aston ，所以我估港鐵會淨係停地鐵既測試，而東鐵會繼續測試信號，令韓制9卡車更快取代MLR投入服務