![[sosad]](https://hkbf.org/images/smilies/icon_sosad.gif "So Sad"){kind=icon}
認真唔係話要幫某店講乜野好說話，「方丈份人真係好小器架」一句出自周星馳既電影
但搞搞下，起車仔界又變左形容某某經常起ＦＢ發表溫情抱怨文既老闆
不過事實上就算係幾唔鐘意某些人既作為都好，佢睇得準時勢，食得正「香港情懷」呢條水路
仲有海量出車仔既攻勢，又有團火令佢肯去不段投資咁多年，大量製作新模具等，的確令唔少人都已經肯定左佢既成功
咁當然品質，一模多用之類既後話要講就有排講啦，好多人都知都明就算啦
為人為自己找下台階既說話到此為止，入正題啦
五大訴求。缺一不可
勝利２型。缺一不可
其實睇標題大家都應該知係乜啦，口嫌體直正，食雞最積極。嗯！一貫咁多年某礦工既作風
啡色紙皮盒，有晒ＬＯＧＯ既盒我一向都唔會掉，雖然唔係靚，但都留返
一盒藏一盒，呢個盒，很可以很可以
盒背有齊九巴同微影既雷射標貼
主角出場(拍手)，「信用卡」形既證書以前BUSES既救救海洋ＬＭ都有整過，唔算係新野啦
不過唔係用紙都已經俾左唔少人一個驚喜
第一次買「微影」呢個品牌，唔知係九巴要求定係微影對呢架特別用心啦，以往聽聞過唔少災難級ＱＣ問題既情況
一如其他有買既同好所講，睇一架就攞得走，呢樣真係要讚，買任何類型既模型都理當如此
模型有４組路線比大家換，原本起車上面既４Ａ，嗯！唔識
３３Ａ，到而家都係見過下，未搭過，無愛
１１０過海，正呀好吸引，如果用起其他車型身上的話，雞車上面的話我就算了
７０，不可能吧，呢條遊河極佳，和我飛過好多次既路線，雖然告別遊河冇去到，但不可能吧，不可能不改做７０吧
給果我唔記得影下開盒果陣既４Ａ牌，就直接挑晒出黎改７０
車尾，車頂既紅色終於有廠造得岩啦，但承諾過既「車尾太平門可開」就消失左，好彩冇整到咋，敢寫包單整左一定好核突
正面門位，必做既一件事，一定係試下佢既開門功能，咁多年都冇邊架摺閘既模型係可以開到隻門
的確易開難關，車底粒「的」比人感覺超脆弱，而且要關得貼服都要用Ｄ力，好驚整斷，應該只會開一次就唔會再開啦
（呢一段係成篇野完成左之後加返既，原來好早之前已經有「模型」做到可開摺閘功能，真係好早之前，應該有２０年前，大家估下係邊架，哥子出的
）
司機位，其實１／４３呢個比例，你只開到隻司機門我都唔會怪你架，乘客門就算唔開得我都唔介意
車內細節，其他板友都影左唔少車內啦，咁我就影下ｄ標貼啦
引擎蓋上係「請勿坐立」
司機位，手掣同果幾粒波掣都好正，但學板友咁講，易望難影，我盡左力了
應該之後出乜１／４３都會係免疫的，就算係之前講過想買既丹拿Ａ，見到實物之後我極速收返起個銀包
但洪金寶曾經講過：「為了生活我可以忍，但看到雞車就不行」
８０Ｍ賣晒，微影自己又賣晒(網上得知)，出左之後我猶豫左好耐，其實而家玩模型都已經抱住一個可有可無既心態
點解要咁？已經唔係專登出去搵，去個奧海城睇個戲出返黎，會有九巴擺檔用另類手法劏乘客(講笑的)
又會擺架模型出黎吸引眼球，口多問句有冇得買，店員一個親切既笑容，熱情既款待，二話不說已經起後面拎盒出黎
自己再口多多問多句，有埋員工價，點解要咁？真係點解要咁？
以下係奧海城實況(23/8/2019)
好了，其實仲有冇人記得以前有架法國雞，當年都引起左唔少討論架
以平民價黎講，呢架法國雞可以講係「唔完美，可接受，但需要改善、改進」
但車頂個尖位，法國雞勝(掌聲)
身為一個80後和理非
，雞車陪伴著我地呢一代人一齊長大，多少回憶與汗水都留左起呢款車型到事實上就算我幾鐘意中巴都好，陪我長大既畫面大部份都係九巴之上
雞車，當年唔駛搵，去到邊都一定坐得到既車，起我人生２０年後既今日講返，依然回味
對我地呢代老餅十分乏味既MMC／B9，相信而家既2000後／2010後，佢地既２０年後都會同樣回味吧
#Eye4HK
THX FOR READING
![[photo]](https://hkbf.org/images/smilies/Photo.gif "傾偈無圖無偈傾")
