到港島讀書期間常遊車河，見早前有師兄分享富豪Olympian車系水箱風扇聲，小弟又唔執輸。不過原帖鎖起無得回。

首部曲：城巴車號993，除水箱風扇全開，風扇轉得又比其他同系車快，所以混入引擎聲後極有違和感。



再早年尚有新巴VA4水箱風扇同樣轉數奇高，惟無拍片紀錄，誠為可惜。

拋磚以引玉，歡迎討論

二部曲：城巴Olympian到晚年時水箱風扇大多長期處於fail-safe模式，極少數因水箱散熱欠佳而使風扇全速運轉，某程度顯示其保養狀態。能夠保持一把寧靜水箱風扇而又未致於令引擎過熱已如鳳毛麟角，於云云眾多Olympian之中，就有城巴車號979。上山谷一波都唔着水箱風扇，水溫錶仍然指住80度左右，而且當日力水充足，以城巴最近十年保養水平計，甚為難得。



三部曲：聽得最多最熟悉都係fail-safe嘅水箱風扇聲，尤其是Olympian晚年，或者等到夏天。今次有城巴車號977，有Olympian水箱風扇最常聽到嘅音準。



爛聲電話錄影，純以拋磚引玉，歡迎討論