手機用戶請注意數據用量

MERCEDES-BENZ G63 AMG 6x6

由BENZ G-Class為基礎，由最初設計比澳洲陸軍演化成為民用版本，由Ｇ６３原本既４X４變成更具越野能力既６X６六驅底盤
車身重量達3,850公斤，然而，G63 6x6由０—１００KM/H亦只須要６秒時間就可以完成
極速雖然只去到１６０KM/H，但別忘記，佢係一架近４噸重既越野車

點解叫「越野級超跑」？
初始車價為456,900歐元，這是民用版本？不！這是富豪的玩具！
而事實上，網上外地車迷拍既實車片段，比起OFF-ROAD，更多既係同其他名貴超跑同場出席，起城市遊走
真係會拎呢架車去玩OFF-ROAD的，有心搵當然都有其他影片，而BENZ官方頻道同埋一向玩車玩得好癲既Top Gear算係眾多OFF-ROAD片段入面既代表作

只可惜真車只係生產左兩年，２０１５年就已經停產左，似乎佢都可以稱得上係汽車界既小數民族吧

---

暫時唔講咁多，立即黎開箱Era car既１／６４版本

正所謂「瘦田冇人耕，耕開有人爭」
近呢兩三年１／６４既市場突然間興起，多間唔同車仔製造商都加入戰團
平價車仔由＄50-60到普遍既＄1XX，甚至近期１／６４玩全開車門頭尾蓋賣到＄500以上既癲價
一架比手掌還要細既車仔，甚至比１／４３仲要貴，值唔值的確見人見智，但精細度確實係令人眼前一亮
而且亦十分適合香港普遍狹窄既收藏環境

自己一直都覺得１／６４太細架唔好玩，好多人都鐘意既ＧＴＲ-Ｒ３５直情係出到濫多到驚，自己都好鐘意但結果一架都引唔到我跌錢
而自己第一款１／６４既車仔收藏，就獻給Era car，一間算係近期幾新既車仔製造商，團隊亦係香港人製作，值得支持
呢間廠出過既車仔款式暫時唔多，但咁多間廠入面，佢既G63 AMG 6x6極之吸引我既眼球
之前曾經出過白，黃，紅黑，啞綠四色，已經即時心郁，幸好等了一等，及後好短時間又再推出迷彩同全黑
亦即係今次呢兩架

開箱，包裝究竟應該話佢馬虎定係有心好呢？吸塑包裝係幾穩陣，但唔美觀，而且係用密盒設計
甚麼ＱＣ問題一律「撞手神」，幸好車體本身冇任何明顯問題，值得一讚
而今次呢兩架比起上面講既四色＄９８略貴，賣＄１１５（訂價），原因係多左行李同牛牛 配件

講開牛牛呢？有冇人可以話比我聽係乜野事，同架車既關係起邊到？
當初會買牛牛並唔係想要牛牛，而係全黑車身真心型到震，但牛牛呢，除左影相之外都唔會擺上車啦


落地，官方既行李擺法


窗件為深啡色，但配上黑色車籠就令到後座望得唔太清

貨卡式車斗係此車既重點之一，起１／６４車仔入面絕不馬虎，迷彩配木紋，黑色就跟車籠配置色彩
但比較可惜既係為左裝頂架，車頂被鑽多兩個小孔
雖然唔覺眼，但知道有個窿起車頂就總係「凝住」，結果呢兩架車仔想唔裝頂架都唔得


迷彩色，絕對係吸引目光，而且車身色彩用移印而非水貼，夠晒細心啦



用迷彩色既配件配落黑色車到，意想不到非常合拍，成件事好夾



以＄１００左右既車仔黎講，造到三開（兩邊門同頭冚），誠意爆燈啦

而且引擎都唔馬虎架


正

---

既然咁正就唔好比佢停啦

之後就黎一架我都好耐冇玩過既１／１８啦
自從ＡＵＴＯＡＲＴ改左車身物料之後（一種叫做複合壓鑄既技術）就再冇玩ＡＵＴＯＡＲＴ既車


我既感覺係咁大架車，唔係金屬造手感唔會好，的確，在此先提一下自己感覺上既分別。
架車比以前金屬製既時候輕左ＤＤ，不過始終唔係細車，拎上手都仍然有一定重量
然後拎出黎第一下就要比以前金屬果陣小心好多，因為拎起並唔就手，好驚車身大力少少就會被壓到
還有就係手指模印，比起昔日金屬製時更易印到上車身，而且更難完全清除，就結果而言今次玩模型真係要戴返隻手套

另外再講車身呢隻新物料，用指甲輕敲完全係膠車既空檔聲音，感覺超級兒戲
但摸上手又有類似金屬既冰冷感，好神奇？！定還是我諗多左只係天氣問題？（有指塑料係「高級ABS複合材料」）
仲有就係上色方面，第一次接觸大比例塑料車身，光面黑色完全就係一面黑色鏡
以前金屬製時，幾令幾反光既車身都未出現過如此出眾既光面效果
仲有就係轉角位等既細節，真真正正應圓既地方會圓，應起角既地方係非常靚仔地呈現９０度角
比起金屬時直角位經常被削圓，今次係完美解決左呢個問題

不過呢，始終都係捨棄金屬而用塑膠取代，呢個「犧牲」會唔會太大呢？

以下係ＡＵＴＯＡＲＴ對新物料既自圓其說［長文］：隱藏內容，按一下這裏顯示

AUTOart推出一個全新製作精品模型汽車的理念。這個創新的方法，叫做綜合模型，又或者叫做複合模型，是我們一貫以來為收藏家製作高价值和高像真度的模型作品時，不斷致力搜尋最适合的物料，利用不同的物料去配對，從而開拓這個創新的精品模型製作方法。

在我們的綜合模型上，我們配對了壓鑄合金製成的內置車廂，和最新研發出的ABS樹脂 -丙烯_-丁二烯-苯乙烯共聚物Acrylonitrile Butadiene Styrene注塑車身，混合了一些強化材料，把兩种不同物料配合應用起來，製造出來的模型汽車，再一次開創出我們高質量的產品。

注射ABS樹脂塑料是一种非常理想的工序用來製作模型汽車車身。与傳統的鋅合金壓注方法來製作車身比較，注塑ABS樹脂製成的車身表面更為平滑，車身線條和凹凸尖角部份顯得更明顯精确。車身上鏤空的位置，例如柵网和小洞，可以造得更加清晰簡單。而車身的物料厚度亦可以更薄，這些都和鋅合金壓鑄出來的車身，有著明顯的改進。注塑ABS樹脂模型汽車的精細車身可以進一步仿真實物汽車的正确比例。

AUTOart步向綜合模型，采用注塑ABS樹脂零件，是跟汽車製造業廣泛利用這個工藝同步的。如今，汽車的擋泥板、風翼、防撞桿和車体組件，都是以ABS塑料製作，甚至成為了常態化。跟金屬組件相比，ABS塑料製成品不但耐用，而且在剛性及美觀上面絲毫不低於金屬物料，還有，ABS塑料組件永不會生銹腐蝕。我們看見許多現代汽車的內飾鍍鉻部件，包括經常開關的車門把手，驟眼看起來跟金屬相似，其實骨子里都是用ABS注塑料製成的。另外，今天的超級跑車的製造商，都已經把塑料車身及結构，視為一個設計和製造的標準，而塑料碳纖車体結构的剛性，甚至比金屬物料還要优胜。

雖然很多模型車製造商改用了樹脂膠，去代替壓鑄合金，作為車身的物料，但我們認為，注塑ABS樹脂和樹脂膠同是石油副產品，注塑ABS綜合材料要比樹脂膠更具优勢，尤其是注重車体的細節方面。樹脂膠在收藏期間如果處理不得其法，容易碎裂、受損或變形。這是因為它的柔性不及塑料，而硬度又不及一個壓鑄成型的合金車身。由於樹脂膠本身具備這些弱點，所以大部分利用樹脂膠製成的模型汽車車身，都是以密封形式出現，車身并沒有可供開啟的組件設計。近期有些樹脂膠模型汽車，附有打開的車門和引擎揭蓋，但索价卻非常高昂，模型製作者將這些小組件，例如車門及揭蓋本身，用注塑ABS材料去製造，代替了樹脂膠。模型商采用這個方法，正正因為樹脂膠本身質脆及容易碎裂，無法穩固安裝細小的鉸鏈組件，可以承受反覆開關的經常性動作。

綜合注塑ABS樹脂組件亦克服了出現在壓鑄鋅合金物料車身常見的質量問題，例如「气泡」，又叫做「皮疹」或「鋅蟲」，是來自壓鑄鋅合金車体成型的過程中，有很少量的空气被困在車体裏面，然後在覆蓋油漆塗層之後，顯現出來的微細「气泡」，是一個製作過程中容易出現的問題。注塑ABS樹脂成型的過程中，比較容易設計排气
道將被困的熱空气排走。這樣一來，注塑ABS樹脂成型的模型汽車車身，經過上漆工序之後，可以确保在一個相對偏低的報廢及退貨比率上。

我們的綜合模型汽車產品，跟市場上普通的廉价塑料和樹脂膠模型汽車不同，它們的車身一般都是密封形式，又或欠缺細節。AUTOart的綜合模型不是密封設計，相反，模型汽車配有完全活動的組件，包括所有模型汽車的車門，与及某些型號的引擎揭蓋。

要做到在注塑ABS樹脂模型汽車車身可以打開車門和揭蓋是對工程師的一項重大考驗，因為ABS車身普遍欠缺剛性，容易出現變形。一旦車体受壓而出現輕微變形，車門便無法緊貼車身關牢。這是許多塑料模型汽車，傳統上欠缺開啟式車門及揭蓋組件的主要原因。

為了令整体塑料車身具有足夠的剛性，我們把壓鑄內置金屬車廂作為一個配對。這個內置壓鑄車廂，足以全範圍支承注塑ABS樹脂車身。這個內置金屬車廂強化了整個注塑ABS樹脂車身，就跟一個壓鑄金屬車身無异，不會容易扭曲和變形，而車門及揭蓋即使經常被開關，也得以保持在既有的準确位置上。同樣，這輛模型汽車的車門隙縫，甚至比壓鑄鋅合金模型汽車還要纖幼。

至少利用內置堅固車廂組件支承注塑ABS樹脂車身的設計意念，靈感是來自現代超級跑車，以非常堅固的碳纖維車廂桶，去支承整個輕量化的車体。AUTOart已經克服了ABS的剛性不足課題，而注塑ABS樹脂用於製造模型汽車車身的各种方面，都是較佳的取向。

我們同樣察覺到，模型汽車的收藏家會關注到模型成品的「手感」。我們推出的綜合模型汽車的平均重量，不會明顯低於一輛車身是壓鑄金屬的模型車。綜合模型与傳統的壓鑄鋅合金車身模型比較，由於兩者的剛強度和手感都很接近, 許多收藏家不容易指出前者車身是用注塑樹脂製成的，只會發覺車身線條及摺角部分更加明确和精細。

AUTOart正在為這個未來一代模型汽車的設計，將壓鑄鋅合金內置車廂，配合注塑ABS樹脂車身而成的綜合模型汽車產品，申請專利認證。

來開箱吧，先來４面相
１／１８　MERCEDES-BENZ G63 AMG 6x6

黑色車，以前覺得會顯現唔到車身上面Ｄ細節，但今次呢架，遮到細節都唔理了，黑色真心型到震

車尾，可能係怕車身強度唔夠，又或者車尾門向下開既方式令隻門冇法固定吧，車尾箱門冇得開

以呢個比例來講，做唔到全開，唯一可惜位啦
車尾有齊G63 AMG 6X6既水牌，仲有兩條橫鐵形狀既尾泵把，車尾亦與一般既G63 4X4唔同，由密封式尾箱變成開放式貨斗

「令」到近乎鏡面既黑色車身，超正

車頭仍然係G63 4X4既車頭，只係因為車軸上用左偏心軸設計，令佢比起4X4既款式地台離地更高

來個全開

車頭一副5.5L V8渦輪增壓引擎，模型算不過不失啦
如果佢係改裝廠Brabus改裝過既引擎，黑紅金既配色，成件事會型好多

車籠，冇左超跑既豪裝，反而有一點平實既感覺
另外留意車頂位置既幾個風壓錶，係用黎控制充放全車車胎氣壓，亦係G63 6X6既特別之處


近６米既車身長度，但只有４個獨立座位


士啤胎由4X4原本垂直擺起車尾外既款式，6X6改式平放既尾斗內

呢到既木紋非常搶眼，另，黑色車有少少塵原來會咁顯眼

尾轆之內既細節，每邊都有兩個用黎為車胎自動充氣既風缸，另外金色果幾個氣缸仔，為六支Ohlins氮氣避震器既掛瓶
而紅色既彈簧，模型都係用黎作避震之用，亦係呢架野最好玩既地方

越野車唔須要好似超跑咁將整個車底密封，所以車底滿滿既細節

六驅既車，頭擔當然都有尾牙吧

全車有５組鎖止差速器，有效防止車輪空轉，越野車必備吧，另外模型上傳動軸亦係另外裝上，但就同車輪冇連動亦不能自轉

死氣喉既舊化好靚

---

然後就緊係要一試避震效果啦
六輪獨立避震超柔軟，但又夠力起平面地方撐起整個車身，AUTOART今次GOOD JOB

因為車軨既設計，迫力碟同卡鉗等細節只能起車底，轉向時先見到
而呢款有成１８粒螺母既車軨，好處係可以直接起車上換車胎，而唔須要胎連軨拆下，再上胎床先拆得到

避震行程非常大，當然真車OFF-ROAD片直情玩到過晒避震行程，玩到離晒地

---

最後黎返Ｄ特寫圖啦



會買黑色牛牛１／６４，其實都係因為架１／１８

咁睇架１／６４，造形上一Ｄ都唔失禮架


最後，平治大車照


多謝大家花咁長時間睇篇咁長既文


ＴＨＸ　ＦＯＲ　ＲＥＡＤＩＮＧ

個人玩車玩幾個比例.... 而最大只玩到1:24...

因為覺得1:24有好多都已經大致做得好靚, 好精細既內籠&全開之類, 而且擺放出黎時1:24亦比1:18容易及便宜(24既車全部擺櫃)... 24&18通常都可能差幾百.... 可能係要畀多24半架車既價錢先買到18

1:24&1:18通常見到最大分別就係
引擎蓋18可能會多兩支油壓杆, 而唔係純粹係兩個較位
車底波箱連接尾軸的傳動軸會在尾輪郁的時候會轉(24有部分會做但較少)

愛麗絲公主 on 2020年1月19日 14:05:45: 個人玩車玩幾個比例.... 而最大只玩到1:24...

因為覺得1:24有好多都已經大致做得好靚, 好精細既內籠&全開之類, 而且擺放出黎時1:24亦比1:18容易及便宜(24既車全部擺櫃)... 24&18通常都可能差幾百.... 可能係要畀多24半架車既價錢先買到18

1:24&1:18通常見到最大分別就係
引擎蓋18可能會多兩支油壓杆, 而唔係純粹係兩個較位
車底波箱連接尾軸的傳動軸會在尾輪郁的時候會轉(24有部分會做但較少)

各有所好啦，我自己最大就接受到１／１８
或者應該話１／２４呢個比例自砌先聽得多，我自己就唔太認識有現成又出得好靚既１／２４廠
所以先一直玩１／１８，而再大一級既１／１２真心冇癮玩啦，太大了

其實去玩１／４３或１／６４只係一種名為「無位」／「太貴」先至退而求其次既妥協黎
每細一級，就算幾精細，好多細節想整都未必整到，整到都未必睇到

近排見有間大陸廠叫Almost Real都有出G Class 不過我自己就手痕買咗佢架Land Rover 見外國都有人拎呢2間廠嚟比較 希望有競爭會令2間廠嘅出品越嚟越高質