172號電車可謂一部「神獸」，佢擁有木頭車（i.e.交通迷指嘅「柚木電車」）嘅外貌，但係就用咗高科技（i.e.交通迷指嘅「鋁合金電車」）嘅摩打。據我喺電車公司嘅導師口述，172號車喺新車時期試車期間，曾經喺高士威道以時速70公里行駛。我以前任職電車車長期間，曾經多次感受其「神獸」威力：佢嘅一度字比起其他高科技帶出更強扭力之餘，亦能以較短時間加速至時速43公里。

不過，據我嘅前輩口述，經「上大人」柯打，172號車嘅強猛扭力已被「閹割」，其極速亦可能有所下調。

我覺得喺172號車作tuning調整都係好事一樁，因為我覺得其強勁扭力及43 km/ h極速喺電車路上行走=多餘。2019年落地嘅高科技102號車，其極速喺甫出廠時已被調整為時速30公里，我覺得佢喺設站頻密 & 迴旋半徑細嘅電車路軌上行駛已經夠用，至少成日揸跑馬地返西環尾車嘅老師傅都表示「用102居行尾車，夠抽啦」

You mean the tuning changed to VVVF?