#1
呢架消防車講緊已經係超過三十年嘅作品, 除左因為自己亦有儲 Tomica 之外,
亦因為呢架消防車以前我小學大概三、四年級果陣亞嫲買過比我做生日禮物,
但係就唔記得係點整爛而報銷, 最近依悲比我揾到呢架車,
65 蚊美金起必, 只係幸運嘅一必加埋寄 90 蚊埋單,
以呢個價錢入手加上考慮到呢架車嘅推出年代同埋架車嘅現況都仲有八成幾新,
依家要係依悲要用同様價錢揾到呢個質素嘅車仔可能性實在太低, 所以在下覺得係物有所值,
雖然話係 Tomica 加上係超過卅多年前嘅作品, 但係呢架消防車卻係 Detail 十足,
喺當時嚟講應該算係極品啦~
呢架車仲可以玩拉喉
只要按車尾中間粒白色掣, 就可以將四支平底積彈出嚟
因為雲梯最大果節係金屬物料, 所以比較重,
記憶中細個果陣有果架因為呢個原因, 一開出嚟玩果陣支唧可能承受唔到把梯嘅重量,
起梯果陣唔可以固定甚至成把梯跌落嚟, 今次呢架出奇地並冇以上問題,
可以重現打梯嘅狀態, 不過基於以上原因, 把梯應該都唔會玩得太多,
錫住架車嘛~
與同樣係 1/43 嘅 MB Citaro 消防雲梯車合照
Thanks for reading~
