(點擊放大)
見新版simutrans似乎加咗新功能，不過simutrans要升級一啲都唔容易，我自己而家就用緊112.3版本，如果升咗只係half height問題都已經會好頭痛
本save調節班次嘅方法都係紅綠燈同等客時間兩種，唔知會唔會部部機唔同，我自己就發現紅綠燈等255秒大約就等同等客1/64月，所以密車線就會用紅綠燈，少數疏車線就最多都係拉疏到每月32班車
介紹返港島區最大型嘅巴士總站 - 北角碼頭總站，如圖中所見，北角碼頭總站同時設有舊有及新建部分，舊有部分主要供城巴使用，而新建部分則供新巴使用，除咗新巴23線嘅定時點設於蒲飛路之外，其餘路線都會在此站等候開出，而本save絕大部分路線都係循環線，只會於其中一邊總站設置定時點
而地方空曠嘅人工島，亦相當適合設置巴士總站，除咗3條口岸B線外，另外亦有3條A線以此為定時點
其實，機場同口岸路線，我個人過往一直認為係玩simutrans香港save比較難處理嘅部分，因為係save入面好難合理地製造到跨境客流，但自疫情爆發，機場同口岸無客源反而變咗合理嘅事。不過，咁唔代表喺simutrans入面A、E線就會運凳。眾所周知，simutrans乘客搵路線係基於站數同轉乘次數。所以，由於A、E線覆蓋面十分廣，於是乎就有大批乘客使用青嶼幹線嘅轉乘網絡，就如圖中所見，青馬轉車站嘅轉車人流頗為龐大。咁樣亦造就咗一個有趣但合乎simutrans邏輯嘅現象，就係R33線係客量高企嘅大線，反而E33線只需廖廖幾部車就足夠應付需求。因此，喺本save入面，係需要盡用哂龍運同Cityflyer嘅兩代車隊。
而於芸芸機場及北大嶼山路線之中，A21為當中的線皇，共派44部車，每月130班車，與260X並列為本save派車最多嘅路線，而280X則為最頻密路線(每月210班車)。呢幾條線客量龐大，全因一個香港景點pak檔 - Hong Kong Park Lane。呢個應該係我10幾年前唔知由邊度下載返嚟嘅pak，在simutrans中係作為一個古蹟，只可以起一個，但神奇嘅地方係佢客量非常龐大，出現之處其附近嘅巴士站乘客量都會直線上升。我將佢放返係尖沙咀，於是乎就導致鄰近幾個車站負荷極大。而由於客量實在太龐大，為方便清客，於是乎就將尖沙咀站同九龍公園、海防道、金馬倫道3個巴士站合體，另增設來往尖東站及尖沙咀站的地底捷運。
圖中可見尖沙咀站附有一個中型機場（已廢棄），曾經有3條航線，來往紅磡車站/海底隧道、沙田市中心/沙田站、東涌消防局/裕東苑。紅磡航線係最早開辦，當時係因為大量乘客經由紅磡站轉乘巴士往尖沙咀站，巴士根本無法負荷。尤其係87D、260X、268B、269B等線都係先經紅磡站，再停尖沙咀站，車上位置一早就被新界往尖沙咀站嘅乘客佔滿，紅磡站嘅乘客根本無法登車。後來，隨著沙中線全面落成，乘客既可經屯馬線改用尖東站換乘接駁纜車，亦可乘東鐵線至金鐘站轉乘荃灣線，因此此航線就無存在需要
（圖: 大圍站）
另外兩條航線亦係為疏導客量而開辦，為加快「回機」提供頻密班次，當時更購入多隻可達2170km/h嘅協和式客機，但好快就發現有反效果，由於路線過於直接，影響咗乘客嘅路線計算，反而導致更多乘客選用沙田站/東涌消防局轉乘，因此旋即停辦。
現時，該區只餘下金巴利道站設有來往紅磡站及九龍站的航線，分別使用A380及A340客機
以下亦同大家分享下一啲地方:
（聽講有過百座嘅石硤尾邨）
（美孚站及文化館）
（灣仔一帶）
（青田交匯處）
（馬灣）
為咗方便道路同鐵路建設，喺部分地方，會混用輕鐵路軌，令到鐵路列車可以直接穿過馬路
如圖所見，以上兩處地方，路過嘅巴士會直接橫越路軌，而唔會受到任何平交道設施阻礙
