#1
今次呢部車用中巴LA新模改裝，除咗基本車身內籠轉色之外，亦盡跟真車各項細節
較挑戰性有:
‧ 填平原有入油位，再開窿以膠料重建近似城巴非專蘭款式既立體入油位
‧上層兩邊窗用 LA 原本窗件再磨走通風窗變成梗窗
唔好睇少呢個改動，中間涉及多個人手打磨及拋光工序，而且打磨時須小心要保留既窗框。
以呢架車6隻窗需要改動為例，共消耗了約兩星期空餘時間完成；
所以今次改兩架鐵蘭暫時都係得圖中一架用返 LA 窗，因實在涉及太多時間同心機。
如果上層兩邊用新巴款窗件，近車尾最後一隻窗長度與鐵蘭會有出入，無咁忠於真車。
其他改動：(尚有更多小改動不在此列)
‧尾牌箱改大成可容納電牌的尺寸
‧尾閘雨擋延長成標準長度 (中巴LA 因為要遷就logo 裁短左)
‧封頭牌箱底既水潑位長方形凹槽、封車尾車牌
‧全車吊環換成三角形款式
‧車廂轉色後，貼上各項水貼，包括所有客位凳紋和乘客告示
鐵巴紅白藍係我覺得香港最靚既巴士車隊色之一，稍後如有時間會連同其他收藏再影輯新合照
內籠
呢個project當年推出LA新模已經開始想搞，奈何中間呢幾年自己經歷不少事，
到有正職後改車時間唔多，當聖誕見到呢架車完成都有一種終於水滴石穿既興奮。
最後亦好重要的，係要多謝幾位之前改過鐵蘭既師兄樂於指教以及支援！使今次成品更完美！
多謝收睇
Thanks for reading.
