記得上次討論 Enviro 500 Hybrid 巴士引擎，我就已經預告左「不看好 Enviro 500 Hybrid 可以在香港市場成功。」兩年過後，正式有 Enviro 500 Hybrid 試驗後的最新進展，仲有官方數字參考，先一齊看看文件：
上述文件為 PDF 檔案，按這裏下載原始檔案。This is a PDF file, click here to download original file.
當時有一位版友話，減少用油已經係經濟效益既一種，睇睇數字：「 表現最佳的混合動力巴士能節省 10.7%燃料，而表現最差的則多耗用 9.0%燃料。在兩年的試驗期內，混合動力巴士與行駛相 同路線的傳統柴油巴士比較，平均多耗用 0.4%燃料，遠低於海外經驗引述能節省 30% 燃料的情況。」噢，原來連節省燃料都可以預計錯誤，將車輛設計問題最後算在水土不服頭上、賴入香港對空調系統有強大的需求。傻的嗎？一早應該預計到喇下話？
期後果位版友提到電池可以做到 recycle、入面既chemical亦都比較 environmental friendly，結果真係講中左：「更換混合動力傳動系統的電池，改用貯電量達 32 千瓦小時(即大兩倍)的較大型號」係啊，兩年車就要換電池，唔知換完 32kWh 電池又可以挨到幾耐又再 recycle？
有位讀過 chem 既版友認為，「你好似唔記得左 Hybrid 可以減少廢氣排放。」我就已經係原文中提出 Euro 6 引擎，反問有關版友引擎排放量真的是重點嗎？結果今日的文件寫道：「混合動力巴士的排放表現相對歐盟六期傳統巴士不太顯著」即是說，我係 2014 年既觀點已在估計之中，事實、數字亦證明廢氣排放合乎 Euro 6 標準下引擎排放分別其實不大。
最後文件中有一句說話：「除非日後混合動力巴士的燃料節省效益有顯 著改善及其價格更具競爭力，否則我們實難有充分理據在專營巴士營運上推廣使用混合 動力巴士。」又又又畀我完全講中左，Enviro 500 Hybrid 根本難以在香港市場成功。
無論係引擎排放減少、燃料節省效益上，完全貨不對版，兩年後既大家又點睇 Enviro 500 Hybrid 呢？
但要補充一句：「先知在家鄉是不受悅納的」路加福音4:24
![[sosad]](https://www.hkbf.org/images/smilies/icon_sosad.gif "So Sad"){kind=icon}
