有沒有過時的巴士站要改名呢?

[葵芳站總站站務助理員]

[ 圖檔 ]
政府地圖中係用「鱲」既
但係我覺得即使用翻「立」，個問題亦都唔大
正如上面有人提到當地居民都慣咗呢個用法
好似以前一向用「大埔火車站」，相信唔會有人因為佢唔係叫「大埔墟火車站」而唔滿意

聚星樓係咪應該改翻天水圍站會好啲
（或者天福路天水圍站）

呢個問題好似紅隧咁加返個報站提示就得啦

加翻個「前往天水圍站既乘客，請在此站下車」都係個好建議
好多入區線都係聚星樓頭車，可以夠時間比佢播埋呢段提示

跟返城巴叫「聚星樓, 天水圍站」應該會好好多, 又提到兩個名稱但又唔臃腫

[LT3478_MN20(u#30590)]

赤「立」角新村->赤「鱲」角新村
嶼巴34
應該用返正字

呢個係異體字/別字問題，改唔改對於表達巴士站喺呢條村冇乜影響，我覺得改唔改都冇所謂，當然用返正字唔係一件壞事嘅。

btw 呢啲名就唔叫過時 叫唔準啫
九巴近年都改走咗好多 outdate 名啦
(不過啲咩 蝴蝶谷新村 連條村都冇埋都唔改名就 ........

大嶼山有少量呢類巴士站，例如牛坳園、散石灣中蘆等等都係原本建築已經消失咗
理論上係要改，但係當附近都唔知有咩建築可以代替嘅時候，或者乘客習以為常冇乜人理，自然唔會特登改
仲有經典嘅四眼馬

[GD2923@60X(u#21479)]

我認為「新葵興花園」應該要改

我都認同，因為新葵興花園巴士站鄰近葵安道。

巴士站並不接近新葵興花園，須使用行人天橋或過路處前往。

我認為應該改名為富都工業大廈。

[VR-HOR(u#28188)]

依家連得埋，灣仔北正名返做灣仔碼頭都應該冇問題

[dinnertime4000(u#40197)]

其實有好多都係約定俗成
例如觀塘銀都寳聲 灣仔大丸 等
其實唔需要改

[LE8869(u#23669)]

其實有好多都係約定俗成
例如觀塘銀都寳聲 灣仔大丸 等
其實唔需要改

其實講舊名，會唔會比較適用喺小巴？
多數小巴要叫落車，特別係熟客叫慣叫熟，所以都唔會理個正式站名，例如話係轉彎有落咁

但係巴士站我覺得過時，而有適當既新名取代既話，更新翻個名都無可厚非
好似以前興利中心宜家改翻晒希慎廣場咁
又或者以前領展既 XX 商場改做 XX 廣場，而有部份人都係叫慣舊名
又好似厚德商場都因為改名而變咗做重華路咁

跟返城巴叫「聚星樓, 天水圍站」應該會好好多, 又提到兩個名稱但又唔臃腫

如果九記肯跟城巴做兩個名就好
之前既創紀之城，九巴都係加「前往觀塘市中心請在此落車」

[GX7271]

之前既創紀之城，九巴都係加「前往觀塘市中心請在此落車」

咁油站個站又的確係創紀之城對面喎
係因為 88X 258D 259D 277E 277X 呢堆觀塘市中心唔會有站，所以先要加埋「前往觀塘市中心 ...」啫
如果唔係直衝去到觀塘游泳池就遠囉 ...

[HN8597]

我認為「新葵興花園」應該要改

我都認同，因為新葵興花園巴士站鄰近葵安道。

巴士站並不接近新葵興花園，須使用行人天橋或過路處前往。

我認為應該改名為富都工業大廈。

仲有類似既53/67M/67X/258P/261 屯門醫院站,其實跟K51叫輕鐵鳳地站(九記"鳳地站")好似好d...

[GD2923@60X(u#21479)]

仲有，我諗到一個例子:長青邨青桃樓，北行巴士站，位於葵青區青衣青衣路長青商場外，長青邨青桃樓雖然名為青桃樓，實際上是位於長青商場外，是不是應該叫返長青商場?
因為這個北行巴士站鄰近長青邨青葵樓及青榕樓，而青桃樓則在青葵樓後。
至於長青邨青桃樓南行巴士站不鄰近長青邨青桃樓，是不是應該叫返青衣污水處理廠或藍澄灣貼切一些好D?

[FB5764 X 86K(u#19772)]

（我都諗過開一個類似的主題）

其實首先應該討論一下，一個巴士站的命名原則，
個人覺得，未必一定要選取最接近該巴士站之地標／建築物作為站名，
反而應該係取附近較有代表性／最多人去的地點，
讓乘客一望個站名就知道附近的主要地標。
一個巴士站名改得好，絕對可以減少乘客騷擾詢問車長（經唔經邊度邊度）的麻煩，
某程度上可以間接提高行車安全。

有一個例子我真係諗唔明，沙田區的「濱景花園」（沙田市中心方向），
好地地改乜鬼「新界鄉議局大樓」（改做「沙田萬怡酒店」我都無咁驚訝），
論近佢又唔係最近巴士站的建築，論代表性又......
（濱景花園點都多人去啲啩？）

莫非佢係想呢座嘢多啲人認識？

[小兒(u#21851)]

安康路 ==> 鄉議局中學

[GD2923@60X(u#21479)]

沙田第一城 (大涌橋路)北行巴士站根本不鄰近沙田第一城住宅。它實際上位於由婚宴連鎖店「會所1号」（ClubONE）營運的宴會廳「水中天」（前身為明星海鮮舫、敦煌畫舫），是不是應該改返叫婚宴連鎖店 會所1号貼切一些?

[Dennnnnnnnnnnnnnnnnnnnnnnnnnis(u#20539)]

沙田第一城 (大涌橋路)北行巴士站根本不鄰近沙田第一城住宅。它實際上位於由婚宴連鎖店「會所1号」（ClubONE）營運的宴會廳「水中天」（前身為明星海鮮舫、敦煌畫舫），是不是應該改返叫婚宴連鎖店 會所1号貼切一些?

香港咁多間 ClubONE 鬼知你個站係喺沙田嗰間外面定尖東嗰間外面咩
沙田仲要唔係得一間 ClubONE 冇得加地區名 叫 水中天 又怪
同埋 ClubONE 冇第一城咁多人識嘛

[angus8888(u#38169)]

80K嗰個新田村其實好似係近新翠邨多啲.80K新翠巴士總站係近隆亨多啲
呢兩個都應該要改一改名