【漢奸系列】香港路牌日本化

[RV2511]

整完中國路牌，試下將香港路牌日本化。
今次試下整殘塊牌少少


▲「屯門公路」改爲「屯門自動車道」


▲因爲「嶼」呢隻字太複雜，我用片假名拼返「Lantao」做「ランタオ」


▲告士打道（應更名爲「東住吉通」）東行


▲新田公路南行。日本道路公団字型無「朗」、「荃」，所以係自己拉出黎

係咪好睇過中國化路牌

[LJ8652~AVW8@269B(u#15835)]

我係4年前都做緊呢樣野 , 同一個Topic名
搞到我要掘返呢堆野出土
係日本標準黎講,郊區堆高速公路係會得名同無編號
大都市內先有編號

[Wusha(u#36954)]

我係4年前都做緊呢樣野 , 同一個Topic名
搞到我要掘返呢堆野出土
係日本標準黎講,郊區堆高速公路係會得名同無編號
大都市內先有編號
[ Image ]
[ Image ]

幾靚。

不過離題講一句，「東涌」個「涌」字唔應該讀「yū／ゆう」，應該讀「chō／ちょう」。
呢個係好多人會混亂，因爲中國嘅「涌」同日本嘅「涌」都係「湧」嘅簡化字。
而「涌」係嶺南特有地名，中國將部分簡化爲「沖」，避免民衆讀錯。
而北方官話無「涌讀 chung」嘅槪念下，但廣州地鐵東涌站都係「Dongchong」而唔係「Dongyong」。

仲有「香港西道」唔係應該譯做「Honkon-Nishi」咩？
而新界應該係「Shinkai」而唔係「Shinsakai」。

另外想講下，旣然「元朗」譯做「Genrō／げんろう」；用日本音讀。
咁點解小欖會用廣東音「Shiuramu／シウラム」而唔用「Shōran／しょうらん」呢？
其實……最好都係用返漢字表達會好啲

丫……仲有……「汀九」可以譯做「Teikyū／ていきゅう」

[kmbbus269m(u#13024)]

「東涌」個「涌」字唔應該讀「yū／ゆう」，應該讀「chō／ちょう」。

網上除咗wiki之外就唔多覺有涌讀ちょう嘅資料

跪求相關書目

[<MAX(u#12570)]

「東涌」個「涌」字唔應該讀「yū／ゆう」，應該讀「chō／ちょう」。

網上除咗wiki之外就唔多覺有涌讀ちょう嘅資料

跪求相關書目

其實日語中都有「島嶼（とうしょ）」兩字。

如果釋返做日本既話，大嶼山應該都係叫大嶼山或大嶼島。

[Wusha(u#36954)]

「東涌」個「涌」字唔應該讀「yū／ゆう」，應該讀「chō／ちょう」。

網上除咗wiki之外就唔多覺有涌讀ちょう嘅資料

跪求相關書目

涌，意爲河涌。係對應「沖」嘅名詞化，卽係由「沖」嘅形容詞轉化成「涌」。兩者應當相通，響廣東一帶部分地名異化爲「沖」。
「涌」係廣東獨有地名，廣東以外都無呢個字作爲地名。而「涌」原音雖然係讀「湧」，亦爲「湧」嘅異體字。
但係就係廣東人以其慣用音將「涌」讀成「沖」以表達「鹹淡水交界嘅入海位」。
所以「涌」響日文讀法應該通「沖」（chū／ちゅう）（Wikitionary）。
而我上面對應返「chō／ちょう」祇係參考左維基百科資料，應該讀「chū／ちゅう」定「chō／ちょう」就係另一回事。
咁點解係依照「ch」音而唔讀返「y」音？
此舉係跟返當地原有讀音，中國普通話根據北方標準，「涌」係讀「yǒng」；
但係同時顧及廣東人嘅地名習慣，都會標「chōng」爲廣東地名，以示區別。
同一道理套用於日文上，「尺」廣東話係讀「tsek3」。
但讀「駅」時就係讀「亦」，因爲日本「駅」係「驛」嘅簡化字。

故此，東涌拼成「Toyu」係會扭曲原文字意思；唔應該寫成「Toyu」。

其實日語中都有「島嶼（とうしょ）」兩字。

如果釋返做日本既話，大嶼山應該都係叫大嶼山或大嶼島。

係，日文當然係有「島嶼（とうしょ）」呢個詞語；
而維基百科日文版嘅條目就名爲「大嶼島」（主題）及「ランタオ島」（內文）。
咁我又想知，各位係點樣讀「大嶼山」三個字？
多數人都會答「大余山」，而少數人會讀「大罪山」。
當讀「島嶼」時就讀「島罪」，但「大嶼」時就「大余」，呢個正正就係約定俗成讀音。
留意返，「嶼／dzoey6」呢個音對應日文就係「しょ／sho」，而「嶼」發音就無對應。
其實對應返我回覆 kmbbus269m 兄，嘅講法的確可以沿用返「大嶼」再標音爲「たいよ／Taiyo」，
但係「嶼」字呢個字係屬於「表外字」（卽常用漢字以外漢字），
加上日本人都習慣稱大嶼山爲「ランタオ島」，故此我就用「ランタオ」代替「大嶼」。

[LJ8652~AVW8@269B(u#15835)]

真正香港地名日本化 同 香港路牌日本化 版本
一定比人打

[Wusha(u#36954)]

[ Image ]

真正香港地名日本化 同 香港路牌日本化 版本
一定比人打

啓德係 Keitoku 而唔係 Keiyoku

[LingnanChickenRice(u#2870)]

[笑到唔浮上水都唔得]哈哈哈哈....厲害。
本來仲想睇睇有無巴絲敢整「香港島」0既日本化路牌...
(上面0個個唔夠中西區/南區0個堆路牌咁「突出」日本化呢回事...)
不過老一輩經過三年零八月個0既朋友,
仲有熟悉上述歷史0既巴絲...應該會覺得「非常冒犯」
所以...睇睇各位巴絲想唔想「回到1942」啦...
(OMG:正正係日本軍政府大改港九街道名0既時間...)

晌再潛水(CD-ROM化)之前,
如遇上述「奇怪」提議而有所不安的話...
小弟先代各位巴絲道歉。
無意勾起當時0既回憶，不過換上現代化0既日本化路牌的話...
大概可以笑住講「好在日本皇軍肯投降,如果唔係...」(下潛至CD-ROM 0既深度...)

PS 大改港九街道名0既詳情?去維基望一望當日0既通告啦。
(除0左元港[香港仔]叫做改得夠「尊重地方歷史」(最初英國人登上香港島0既地方)之外...
真係隨便硬生生塞個日本地方、年號名+街/道等等...就算數。
OT一句:南樺太(庫頁島北緯50度以南,1905-45年都係日本0既地方)都係咁...
掛住東征西討,仲有閒情改個好名咩?!「是但改個唔撞日本地方同名0既地方名就算...」)
再OT多一句就「潛水」啦:好在敗戰0既係舊日本皇軍...
所以本文任何惡搞路牌,笑住睇就好。

[AVD1(u#4985)]

題外話：
呢個 post 都真係幾勁，勁到連阿沈旭暉起佢自己面書都有分享 ……
https://www.facebook.com/shensimon/post ... 3571855790